Налайхаас Говьсүмбэр аймаг руу явах автозамын уулзварын зорчих хэсэгт зам тээврийн ноцтой осол өчигдөр /2018.12.10/ гарчээ. Осол оройн 20.36 цагт гарсан бөгөөд Улаанбаатараас Говьсүмбэр аймгийн чиглэлд зорчиж явсан Баянгол дүүргийн харьяат иргэн Н-ийн эзэмшлийн “Прадо” загварын суудлын автомашин, Говьсүмбэр аймгаас Улаанбаатар хотын чиглэлд зорчиж явсан Баянхонгор аймгийн харьяат иргэн С-ийн эзэмшлийн “Соната 6” загварын суудлын автомашинтай мөргөлдсөн байна.

Ослын улмаас 22 настай эрэгтэй С хөл хэсгээрээ автомашины бүхээгийн хэсэгт хавчуулагдсан байсныг Налайх дүүргийн Онцгой байдлын хэлтсийн алба хаагчид гаргаж, эмнэлэгт хүргэсэн ч гэмтлээ даалгүй нас баржээ.

Э.БУРАМ