"ОХУ, Украины нөхөрлөл, хамтын ажиллагаа, түншлэлийн гэрээ"-г цуцаллаа | News.MN

"ОХУ, Украины нөхөрлөл, хамтын ажиллагаа, түншлэлийн гэрээ"-г цуцаллаа

"ОХУ, Украины нөхөрлөл, хамтын ажиллагаа, түншлэлийн гэрээ"-г цуцаллаа

"ОХУ, Украины нөхөрлөл, хамтын ажиллагаа, түншлэлийн гэрээ"-г цуцаллаа

Украины Ерөнхийлөгч Петр Порошенко “ОХУ-Украины нөхөрлөл, хамтын ажиллагаа түншлэлийн гэрээ”-ний хугацааг дуусгах тухай хуульд гарын үсэг зурсан хэмээн Ерөнхийлөгчийн хэвлэл мэдээллийн албанаас өчигдөр /2018.12.10/ мэдээлжээ.

Хоёр улсын төрийн тэргүүн нар 1997 онд гарын үсэг зурж, 1999 оны дөрөвдүгээр сарын 01-ээс хүчин төгөлдөр болсон тус гэрээнд бие биеийнхээ хил хязгаарын бүрэн бүтэн байдлыг хүндэтгэх, маргааныг эв зүйгээр шийдвэрлэх тухай асуудлыг тусгасан аж. Мөн хоёр тал гэрээг цуцлах хүсэлгүй байгаа бол гэрээний дуусах хугацааг арван жил тутамд автоматаар сунгагдсанд тооцохоор тохиролцсон байдаг.

ОХУ, Украины хооронд зөрчил маргаантай асуудал дэгдсэнээс үүдэн гэрээг эцэс болгох буюу хугацааг нь дахин сунгахгүй байх тухай хуульд гарын үсэг зурснаар ирэх 2019 оны дөрөвдүгээр сарын 1-ээс эхлэн хорь орчим жил хүчинтэй байсан хоёр улсын гэрээ хүчингүй болох юм.  ОХУ-тай хийсэн “Нөхөрлөл, хамтын ажиллагаа, түншлэлийн гэрээг” хүчингүй болгосон явдал нь Украины Европ буюу барууны баримжаатай болох бодлого, чиглэлийнх нь нэг хэсэг хэмээн Ерөнхийлөгч Петр Порошенко хэлжээ.

Гэрээний хугацааг дахин сунгахгүй байх тухай хуулийн төслийг өнгөрсөн пүрэв гаригт /2018.12.06/ Украины парламентаар хэлэлцүүлсэнд олонхын санал авч дэмжигдсэн байна.

ОХУ, Украины харилцаа 2014 онд болсон Крымийн хэрэг явдлаас хойш хурцадмал байдалд ороод байсан бол өнгөрсөн арваннэгдүгээр сард Керчийн хоолойд Украины цэргийн хөлөг онгоцнууд ОХУ-ын хилийг зөрчсөн гэх үндэслэлээр гал нээсэн нь асуудлыг улам дэвэргэсэн юм. Украины талаас цэргийн хөлөг онгоцнууд нь Крымийн хойгийн ойролцоо, Керчийн гүүрэн доогуур гарахдаа дохио өгч, мэдэгдсэн гэх боловч ОХУ-ын зүгээс дохио хүлээж аваагүйгээр барахгүй хөлөг онгоцнууд хил нэвтэрч болохгүй гэсэн тэдний анхааруулгыг нь үл хайхарсан тул гал нээж, хөлөг онгоцнуудыг нь хүчээр зогсоон, дотор нь явсан цэргүүдийг баривчлахаас өөр аргагүйд хүрсэн гэж байгаа юм.

ОХУ-ын эргийн хамгаалалтынхан болон Украины цэргийн хөлөг онгоц

Цэргийн хөлөг онгоцнууд Оросын эргийн хамгаалалтынханд саатуулагдахаасаа өмнө Азовын тэнгис дэх Украины гол боомтууд болох Одессагаас Мариупол руу явж байсан билээ. Угтаа бол хоёр улсын 2003 онд хийсэн гэрээн дээр Азовын тэнгист аль аль нь чөлөөтэй зорчиж болохоор заасан боловч 2014 онд ОХУ Крымийн хойгийг эзлэн авсныхаа дараа хар тэнгисээс Азовын тэнгис рүү орох цорын ганц гарц болох Керчинскийн хоолойг дамнуулан гүүр барьсан нь нөхцөл байдлыг ээдрээтэй болгожээ. Киевийн мэдэгдсэнээр ОХУ тус гүүрэн дор усан онгоцнууд явахаас сэргийлж, хаалт хамгаалалтыг гаргасан аж.

Украины цэргийн хөлөг онгоцнуудын явахаар зэхэж байсан замын зураглал болон Керчийн гүүрний байршил

Хоёр орны харилцаа хурцадмал хэлбэрт шилжсэнтэй холбогдуулан Украин дайны тухай хуулийг баталж, арван мужид арваннэгдүгээр сарын 26-аас эхлэн 30 хоногийн турш байлдааны бэлэн байдлыг зарласан юм. “Дайны тухай хууль баталсан нь дайн зарлаж байгаа хэрэг бус, харин Украины батлан хамгаалах чадварыг бататгаж байгаа хэрэг юм” хэмээн Петр Порошенко хэлжээ.

Эх сурвалж: Синьхуа

 

 

"Болор дуран"-аар шалгав.
Энэ мэдээнд өгөх таны сэтгэгдэл?
6
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2018-12-11 91.78.165.211

Ukraine bol teneg uls shuu dee

Avatar

Зочин 2018-12-11 146.115.164.182

Tsaaduiigaa dagasnaas orosuudtaigaa zuuraldval ug n ulziitei. Baruuniig dagasan zuun europiin heden ulsaas yu uldev. Uursduu hiij chaddag gants yum n baruund yanhan niiluuleh. Uur yum uldsengui

Avatar

Зочин 2018-12-11 66.181.183.82

Оросууд өөрсдөө гэрээгээ зөрчиж нутаг дэвсгэрээс нь дээрэмдэж байгаа юм чинь гарсан нь дээр л дээ. Баруун Европ уруугаа явсан нь зөв

Avatar

Зочин 2018-12-11 202.21.106.102

ОХУ НААД МУУ УКРАЙНЫГАА БУДАА БОЛГООЧЭЭ..

Avatar

зочин 2018-12-11 202.21.117.2

чи юу вэ

Avatar

Зочин 2018-12-11 202.131.245.243

Мантуугаа гударсан уу, хөөе?

Avatar

Зочин 2018-12-11 203.217.139.225

Дараа нь Монголыг уу тэнэгээ

NewsMN Гар утасны хувилбар Татах
NEWS.mn

Мэдээллийн эх сурвалж