Малайз улсын Куала лумпур хотод  өчигдөр дэлхийн цээж тооллын 23 дахь удаагийн тэмцээн амжилттай болж өндөрлөлөө. Хоёр өдөр үргэлжилсэн /2018.12.09-10/ уг тэмцээнд 40 орны 3000 хүүхэд оюун ухаан, авхаалж самбаагаа уралдуулснаас зургаан настай монгол охин  дэлхийн аварга боллоо.

Хөвсгөл аймгийн Далай ван сургуулийн нэгдүгээр ангийн сурагч Лхагвадэмбэрэлийн Батжаргал нь ийнхүү эх орныхоо нэрийг өндөрт гаргаж, монгол хүний оюуны чадамжийг дэлхийд таниуллаа. Мөн тус тэмцээнд оролцсон Хөвсгөл аймгийн Нутгийн аваргууд сургуулийн 6-р ангийн сурагч А.Саруулням дэд аварга, Эрдмийн далай сургуулийн сурагч Г.Жамьянмядаг  гүнзгий түвшинд 2 дахь жилдээ орж мөнгөн цом хүртсэн байна.