Жолоочтойгоо, зорчигчтойгоо хөлдлөө | News.MN

Жолоочтойгоо, зорчигчтойгоо хөлдлөө

Жолоочтойгоо, зорчигчтойгоо хөлдлөө

Жолоочтойгоо, зорчигчтойгоо хөлдлөө

Идэр ес эхэлж, хүйтний эрч тасхийж эхлэхэд нийтийн тээврийн үйлчилгээнд явж буй автобуснууд нам зогсчих юм биш биз. Цонх нь битүү цантсан, халаалт нь ажилладаггүй, хаалга нь хаагдсан бол нээгддэггүй, нээгдсэн бол хаагддаггүй автобусаар зорчигчид аргагүйн эрхэнд л үйлчлүүлж байна. Өдөржин хүйтэн автобус жолоодсон жолооч ч ууртай аж.  Хэд хоногийн өмнө 57 дугаартай “Улаан чулуут-МУИС” чиглэлийн автобусанд 20.30 цагийн орчимд дараах явдал болов.

Автобус баруун дөрвөн замын автобусны буудалд ирж зогсоход зорчигчид увж цувсаар орж ирэв. Олонх нь автобус хүлээжээ. Тэд “Яасан хүйтэн автобус вэ. Гадаа байгаагаас ялгаагүй юм биш үү” гэцгээн ам, амандаа бувтнана. Харин 60 гарсан болов уу гэмээр маск зүүсэн настан жолоочийн кабины дэргэд зогсон “Бусад чиглэлийн автобус яваад байдаг. Ганц танайх ирдэггүй. Их хүлээлээ” гэж учирлатал жолооч “Хүйтэнд хөлдөж үхэх гээд арай л гэж явж байна. Толь хаагаад юу ч харагдуулахгүй болчихлоо, хойшоо яваад өгөөч” гэж зандрав.

Настан бууж өгсөнгүй, “Учирлаж байхад уурладаг хэн бэ чи. Чамд загнуулах гэж суусан болж байна уу” гэж үг сөрөв. Жолооч “Зайлаад өгөөч ээ. Явж болохгүй байна, толь хаачих юм” гэж хашгирахад зорчигчид өнөөх настанд хандан “Та ийшээ суу. Цаад жолооч чинь олон хүний амь нас авч яваа хүн. Хэрүүл хийж яваад осол гаргавал яана. Ерөөсөө та л буруутай” гэж шуугилдаж эхлэв. Настан зогссон газраасаа хөдөлсөнгүй. Гэтэл жолооч автобусаа хэд, хэд хаазлан, тоормозыг нь гишгэн, зорчигчдыг хэдэн тийш савлуулав.  Эцэстээ кабинаасаа үсрэх шахам гарч ирснээ настныг гуд татан, хойш түлхлээ. Дээрэнгүй үйлдлийг нь зорчигчдын нэг хэсэг шүүмжилж, нөгөө хэсэг нь  настныг буруутгасаар хоёр тал болон хэсэг хугацаанд маргалдав. Харин настан жолоочийн талаар Нийтийн тээврийн 326352 дугаарт гомдол мэдүүлэхээр болсноор маргаан намжсан юм.

Автобусных нь паар халдаггүй, удаан хүлээлгэдэг, зарим жолооч харилцааны соёлгүй зэргээс болж, зорчигч, жолооч нарын дунд иймэрхүү маргаан гарах нь олонтаа. Зарим тохиолдолд барилцаад авах нь ч бий. Өнгөрсөн жилүүдэд гарч байсан зөрчил өнөө жил дахиад л давтагдаж байна. Нийтийн тээвэрт парк шинэчлэл хийх цаг нь болсон ч гэлээ паар нь халдаггүй, салхи сийгэдэг автобусныхаа өвлийн бэлтгэлийг хангахад шинээр автобус худалдан авах хэмжээний зардал шаардахгүй. Гэтэл жолоочтойгоо, зорчигчтойгоо хөлдөх шахам явж буй нь өвлийн бэлтгэлээ хангаагүйг л харуулж байгаа хэрэг билээ.

Улаанбаатар хотын хэмжээнд 88 чиглэлд 944 автобус өдөр бүр нийтийн тээврийн үйлчилгээнд гардаг байна. Иймээс Нийслэлийн Тээврийн газраас аян зарлаж, дулаан автобус үйлчилгээнд гаргахад анхаарахгүй бол ес эхлэхэд чөмөг царцааж мэдэхээр байна.

Уг нь нийтийн тээвэр нь хүлээлгэдэггүй, дулаахан, саадгүй зорчдог байсан бол айл болгон автомашинтай болж, түгжрэлд түгжрэл нэмэн, цаг, шатахуун хоёроо үрэхгүй л болов уу. Олон цагийн түгжрээнд нийтийн тээвэрт явж буй автобуснууд ч түлшийг хэдэн тонноор нь “идэж” байна.  Тэр хэрээр алдагдлаа өсгөдөг.

Шатахууны үнэ өссөнөөс нийтийн тээвэрт явж байгаа автобуснуудын алдагдал долоон тэрбум төгрөгт хүрсэн тухай саяхан Нийтийн тээвэр эрхлэгчдийн холбооноос мэдэгдсэн. Нийслэлийн 2019 оны төсөвт энэхүү алдагдлыг нь нөхөх зорилгоор шаардлагатай хөрөнгийг ч суулгаж өгсөн. Нийтийн тээвэр нэгдүгээр эгнээгээр саадгүй зорчино гэдэг хотын даргын гаргасан журмыг хаа, хаанаа мөрдөөд, тээврийн замын цагдаа нь мөрдүүлээд хэвшчихсэн бол татвар төлөгчдийн мөнгөнөөс долоон тэрбум төгрөгийг ирэх жил автобус компанийн алдагдлыг нөхөхөд зарцуулахгүй л байсан болов уу.

Түгжрэлд нийтийн тээврийн компаниуд хэчнээн их түлш “цацдаг”-ийг холбогдох газрууд нь мөн гаргаж, тооцоолол гаргах цаг нь ч болжээ.

Хүйтэн тохьгүй автобусаар үйлчлүүлж байж, давхар алдагдлыг нь үүрэх нь зорчигчдын хувьд том шийтгэл шүү дээ, үнэндээ бол.

Г.ХОРОЛ

"Болор дуран"-аар шалгав.
Энэ мэдээнд өгөх таны сэтгэгдэл?
9
ХарамсалтайХарамсалтай
5
ТэнэглэлТэнэглэл
3
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

21 сэтгэгдэл

News.mn сайтад сэтгэгдэл оруулахад анхаарах зүйлс

Irgen 2018-12-10 103.212.117.120

Avtobusni dargiig ogtsoruulaagui biluu neg emegtei baisan daa, soligdood ajil ni shaldaa unaagui yu

Зочин 2018-12-10 122.201.31.216

hutsvaa batbold yu ch hiigeeguishuu dee. Ene niislel turd shurgalsan urlag, sportiihoniig zailuulaad ajil hiih humuusiig ajilluulmaar baina. Darga nariig neg udur bus-aar yavuulj uzuuleh heregtei.

Gohinee 2018-12-10 103.57.93.95

Gaigui sain ajillaj baisan dargiign ogtsoruulaad ajliign avsan humuustee helooo

Самдан Дондог Болдоо Батаа Цэцгээ Нараа Баяраа Туяанууд байна өөр хэн гэсэн ч болно 2018-12-10 202.179.31.56

Газан автобус дизелийнхээ хажууд цөлөх байхоо. дизель бага иддэг. гэхдээ газ болчуул хоолой хорсохгүй сайн л байна. ядаж дизелээ бодуул пар нь арай илүү халж магадгүй.

УГААРТАЖ ҮХЭХ НЬ МОНГОЛЧУУД БИД... 2018-12-10 58.108.66.109

ХАРИН ТОПОР УТААНД ХООЛОЙ ХОРСОЖ, НҮД НЬ УЛАЙГААД БАЙНА ГЭЭД ЯПОНД ОЧИЖ ЁОЛК ТЭМДЭГЛЭХЭЭР ЯВЖ БАЙГАА ГЭХ ШИВ...

Бид юугаа ч ярих вэ дээ. 2018-12-10 202.126.89.229

Монгол орныхоо онцлог нөхцөл байдалд.тохирсон дотоодод угсарч үйлдвэрлэсэн автобусаа захиалж дэмжихийн оронд хэдэн тэрбумаар нь луйвардаж Солонгосын актлагдсан техникийг зээл хэлбэрээр оруулж ирдэг хотын удирдлагатай бид юугаа ч ярих вэ дээ.Утаа нь гамшиг болоод байхад бүх автобусыг газаар явуулах шийдвэрийг улс төржөөд хэрэгжүүлдэггүй даргатай хотын иргэд бид юугаа ч ярих вэ дээ.

Зочин 2018-12-10 202.179.31.56

БЕНЗИНИЙ ҮНИЙГ НЭМСЭН ЧИГЭЭРЭЭ БАЙЖ ЧАДДАГ МАН АН БАЙТУГАЙ МАКРОН ТРАМП Ч БАЙДАГГҮЙ ЮМ БАЙХАА. ТЭГЖ БЕНЗИНИЙ ҮНИЙГ ТЭНГЭРТ ХАДААГААД БҮХ ХҮМҮҮСЭЭ АВТОБУС РУУ ШАХ ГЭЭД БАЙГАА ХҮМҮҮС УЛС ТӨР БАГА Ч ГЭСЭН СОНИРХООЧ. ӨНДӨР ҮНЭТЭЙ БЕНЗИН ДАХИАД ҮНИЙН ӨСӨЛТ ГЭДЭГ БОЛ АРД НИЙТИЙН БҮХ НИЙТИЙН Б О СЛОГО Т Э М ЦЭЛ Ү Й МЭЭН С А МУУН ГЭДГИЙГ САЯХНЫ Ф РАНЦ САНУУЛЛАА ШҮҮ ДЭЭ.

Зочин 2018-12-10 202.179.31.56

ХОТЫН ЗАМЫН БҮХ ХЭСЭГТ НЭГ НЭГ ЭГНЭЭ УРСГАЛ НЭМ. ЯДАЖ БАРУУН ЗҮҮН 4-Н ЗАМЫН ХООРОНД. ТӨВ ШУУДАНГИЙН НЭГ ДАВХАРЫН ҮЙЛЧИЛГЭЭНИЙ ЗААЛЫГ ЯВГАН ХҮНИЙ ЗАМ БОЛГООД НҮХЭЛЧИХ. ГЭХ МЭТЭЭР ЗАМ РУУ ХЭТ ТУЛГАЖ БАРЬСАН БАРИЛГУУДЫН ХАНА ТУУРГАНААС НҮХЛЭЭД ЯВГАН ХҮМҮҮСЭЭ ЗОРЧИХ ХЭСЭГ БОЛГО. УУЛЗВАР ГАРЦУУД НЬ ОЙРХОН БАРУУН ЗҮҮН ЭРГЭХ МАШИНУУД НЬ ЧИГЭЭРЭЭ ЯВАХАА ХААГААД ЭГНЭЭ СОЛЬЖ ЧАДАХГҮЙ БАЙСААР ГЭРЭЛ СОЛИГДДОГ. ЭНИЙГЭЭ ЭХЛЭЭД ЗАС. ТЭГЭЭД ДАРАА НЬ ДАВХАР БОЛГО.

Зочин 2018-12-10 119.40.99.30

Жолооч нар бол малнууд шүү дээ.

Зочин 2018-12-10 58.108.66.109

Энэ нийгэмийг тэр чигт нь малнууд болгосон шдээ...

Амгаа 2018-12-10 202.131.244.210

Шийдэх ганц л арга байна. Бензиний үнийг нэмээд бүгд машнаа тавьж атуусанд суудаг болгох. Түгжрэлгүй замын 1-р эгнээгээр ямар ч зайнд 30 мин-д л шур хийнэ шүү дээ.

Зочин 2018-12-10 202.131.245.243

Тэр бэлэн зэлэн атуус нь хаана байна, илжиг ээ?

зочин 2018-12-10 182.160.40.142

бид өөрсдөө угсарч болоод л байгаа биз дээ, дарга нар нь замаас нь хусаад хуучин со автуус оруулж ирж байхад, тэр мийд очиж хэл

Амгаа 2018-12-10 182.160.40.154

Нэрээ ч тавьж чадахгуй өчүүхэн баасны өт байснаас илжиг нь арай дээр юмуу

Зочин 2018-12-10 202.179.31.56

Чиний нэр яг Амгаа мөн үү. Би ч гэсэн Самдан гээд худлаа хэд л бол хэдэн нэр тавьчихаж чадна ш дээ.

oyun 2018-12-10 202.126.89.94

par ni urid ni ajillaj l bsan baimaar yum huuchin ch gesen halj l bh estoi

Зэслантуу 2018-12-10 202.131.225.197

Эднүүс саявтархан алдагдалтай ажиллаж байна, зогсоно барина гэж хошуугаа цорвойлгоод удахгүй нам жим болсон, бодвол нэг хүний нударга нүдэнд нь харагдаа биз. Тэгээд одоо наагуураа бол яваад байдаг, цаагуураа зорчигчдоор дамжуулж хэлэх үгээ дээш нь хүргүүлж байгаа нь энэ.

Уншигч 2018-12-10 182.160.40.18

Хорол минь кабейн гээд юу байдаг юм бэ нэвтэрхий толь харахад ч олдохгуй уг хэрэглэсэн байх юм

зочин 2018-12-10 202.21.101.130

Нийтийн тээврээ л үнэгүй болгоочдээ баахан мөнгө утаанд зарцуулж байхаар түгжрээ ч байхгүй болно шдээ

зочин 2018-12-10 182.160.40.142

нийтийн тээвэр явсан ч гэр хороолол хэвээрээ байна, утаанаас салахгүй

Amjilt 2018-12-10 202.179.24.176

yag unen ugaasaa mongo tolj bga hun tun hovor

NewsMN Гар утасны хувилбар Татах
NEWS.mn

Мэдээллийн эх сурвалж