Японы ирээдүйн хатан өөртөө "итгэлгүй" байна гэжээ | News.MN

Японы ирээдүйн хатан өөртөө "итгэлгүй" байна гэжээ

Японы ирээдүйн хатан өөртөө "итгэлгүй" байна гэжээ

Японы ирээдүйн хатан өөртөө "итгэлгүй" байна гэжээ

Өдгөө 84 настай Японы хаан Акихито эрүүл мэндийн шалтгааны улмаас хаан ширээгээ шилжүүлэн өгөхөөр болсон бөгөөд ирэх оны дөрөвдүгээр сард Японы угсаа залгамжлах ханхүү Нарухито хаан ширээнд залрах юм. Үүнтэй холбоотойгоор түүний гэргий, Масако гүнж улсын хатан болохдоо “итгэлгүй” байгаа тухайгаа ярьжээ.

Масако гүнж сэтгэл санааны асуудлын улмаас олон жилийн турш эмчилгээ хийлгэж байсан бөгөөд саяхнаас л төрийн ажилд оролцох болсон байна. Тэрбээр 1993 онд Нарухито ханхүүтэй гэрлэхээсээ өмнө Харвард болон Оксфордын их сургуульд дээд боловсрол эзэмшин, дипломатын албан тушаалыг хашиж байв. Харин хааны гэр бүлийнхний амьдрал, ёс жаяг түүнд хэтэрхий их дарамт үзүүлснээс эрүүл мэндийн асуудалтай тулгарчээ. Түүний 55 насны төрсөн өдөр саяхан болсон бөгөөд энэ үеэр “Бие минь бага багаар сайжирч байгаа учраас ажилдаа илүү анхаарал хандуулах болно” хэмээн мэдэгдэл хийсэн аж.

Угсаа залгамжлах хунтайж Нарухито нь Масако Овадатай 1986 онд Испанийн гүнжийн цайны ёслол дээр анх уулзсан байна. Тухайн үед, мэргэжлээ гаргууд эзэмшсэн, олон хэлээр чөлөөтэй ярьдаг Масако Овада аль хэдийн өндөр цол хэргэмтэй дипломат болоод байжээ. Тэрбээр хааны удмын хүнтэй гэрлэх тухайд санаа зовж, зүрхшээж байсан ч 1993 онд хуримаа хийсэн байна. Ханхүү анх гэрлэх санал тавих үедээ “хааны ордон доторх амьдрал амаргүй, айж балмагдах явдал цөөнгүй тохиолдох болно. Гэсэн ч би чамайг бүх насаараа хайрлаж, хамгаалах болно” гэж хэлсэн хэмээн Масако гүнж хожим нь хэвлэлд өгсөн ярилцлагадаа дурджээ.

Гэрлэлтийн дараа ордны амьдралд дасахгүй хэцүү цаг үеийг өнгөрөөсөн ч хүүхэд, жирэмслэлттэй холбоотой асуудлууд түүний сэтгэл санаа, эрүүл мэндэд гүнзгий нөлөөлсөн аж. Тухайлбал, Масако гүнж 1999 онд хөл хүнд болж байсан ч зулбасан төдийгүй 2001 онд эмэгтэй хүүхэд төрүүлснээр бусад хүмүүсийн зүгээс ирэх дарамт нь улам нэмэгдсэн аж. Угсаа залгамжлах ханхүү Нарухито, Масако гүнж нар өдгөө нэг л хүүхэдтэй юм.

Эх сурвалж: ВВС

 

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-12-10 103.229.122.79

Манай эзэн хаад мэдэж ав. Хаан гэхээрээ алтан титэм зүүдэг цаг өнгөрчээ. Хулгайн мөнгөөрөө ичихгүй алтан цаг, есөн эрдэнийн титэм зүүж байсан төрийн нэр барьсан хулгайчид ичээсэй. Тулга ерөнхийлөгч харин бүгдийг нь тэрлэг, шляпанд нь орууллаа. Японы эзэн хаан хууль ёсны дагуу татвар төлөгчдөөс цуглуулсан мөнгөөрөө ард түмэндээ гайхуулсан юм алга энгийн талдаа байна. Эрхэмсэг байж чадаж байна.

Avatar

зочин 2018-12-10 103.229.122.79

Бөхийн угсаагаа сайжруулахаар Хакухогоор бух тавьсан. Хааных нь угсаа тасрах гэж байгаа юм байна. Хэдүүлээ туслах уу? Монголоос тээгч эх хандивлая.

Avatar

Зочин 2018-12-10 202.179.31.99

Нарангууд гэжайхтар улс шүү, манайх төрт ёсны 2000 гаран жилийн түүхтэй л гэнэ шал худлаа шүү дээ, 1911-1915 онуудад л эх үүсвэр нь тавигдсан тэгээд 1990 оноос өөрсдөөө асуудлаа шийддэг баатрууд болоод чадахгүй л хөглөж явнааа. Бузар оросуудын хавчлага маш их бн

Avatar

Mongol 2018-12-10 122.201.31.41

maajig jaapuudiig orosuud yaag aa ch uggui ! uursdiinh ni baijj bgaa tsarai ni ter! mash daramttai niigemd amidardag humuus!!!

Avatar

Зочин 2018-12-10 202.55.188.40

За тэр нь ч хаашаа юм бэ. Юань гүрнийг тэгээд хэн байгуулсан болж таарах вэ? Монгол ингэж ялахгүй ээ хө хаха

Avatar

Хаагий 2018-12-10 202.55.188.40

За тэр нь ч хаашаа юм бэ. Юань гүрнийг тэгээд хэн байгуулсан болж таарах вэ? Монгол ингэж ялахгүй ээ хө хаха

NewsMN Гар утасны хувилбар Татах
NEWS.mn

Мэдээллийн эх сурвалж