Багаа тайлж буй Солонгос бүсгүйчүүд | News.MN

Багаа тайлж буй Солонгос бүсгүйчүүд

Багаа тайлж буй Солонгос бүсгүйчүүд

Багаа тайлж буй Солонгос бүсгүйчүүд

Гоо сайхны мэс заслын төв гэгддэг Өмнөд Солонгос улсад охид бүсгүйчүүд нийгэмд тогтсон хатуу “гоо сайхны стандарт”-ыг эсэргүүцэн, олон нийтийн сүлжээгээр нүүрний будгаа арилгаж, будгаа хаях, үсээ тайрах зэргээр тэмцэл гарган, “Корсетоо тайлцгаая” нэртэй хөдөлгөөнийг эхлүүлээд байгаа ажээ.

Өмнөд Солонгост бүсгүй хүн үзэсгэлэнтэй байх нь сайн хүнтэй сууж, ажлын карьераа ахиулах гол хүчин зүйл хэмээх ойлголт  олон нийтийн дунд байдаг төдийгүй залуу охид, бүсгүйчүүд хэн нэгнээс “царай муутай” гэх үг сонсохоос үхтлээ айдаг байна.

Youtube-ээр өөрийн сувагтаа нүүр будах тухай бичлэг оруулдаг 21 настай Лина Бэй гэх эмэгтэй ч бас нүүрний будгаа арилгаж, гоо сайхны хэмжүүрийн тухай өөрийн бодлоо илэрхийлсэн нь “Корсетоо тайлцгаая” хөдөлгөөнийг улам хүчээ авахад хүргэсэн байна.

“Ихэнх солонгос эмэгтэйчүүд өөрийн үнэн дүр төрхөө багны цаана нууц амьдардаг. Бид төрөлхийн царайгаа бусдад харуулахаас айж, “царай муутай байна” гэдэг үг сонсохгүйн төлөө үхтлээ хичээдэг. Би ч бас тийм л байсан” хэмээн тэрбээр хэлжээ.

Нүүрний будгаа арилгаж байгаа түүний энэхүү бичлэгийг таван сая гаруй хүн үзсэн байна. Олон мянган хүн түүнийг дэмжиж, урам зориг хайрлаж байсан ч үзэн ядаж, хараалын үг чулуудах хүмүүс ч байсан аж. “Корсет гэдэг зүйл чиний бие рүү таарч орох ч үгүй” гэдгээс гадна түүний амь насанд нь заналхийлсэн утгатай зүйлсийг хэлсэн хүмүүс ч олон байв. Тиймээс Линда Бэй хэд хоногийн турш гэрээсээ гарахаасаа ч айх болсон байна.

Өмнөд Солонгост охид бүсгүйчүүдийг балчир байхаас нь эхлээд л цэвэрхэн, өөгүй, цагаан арьстай, хөөрхөн царайтай байх ёстой гэх мэтийн сурталчилгаагаар тархийг нь угаадаг байна. Түүнчлэн Өмнөд Солонгос нь гоо сайхны барааны дэлхийн хамгийн том зах зээлтэй улс орон бөгөөд жилд 13 тэрбум ам.доллар зөвхөн энэ салбарт эргэлдэж байдаг. Мөн нийт хүн амын тоотой нь харьцуулахад гоо сайхны хагалгаа хийлгэсэн хүмүүсийнхээ тоогоор дэлхийд тэргүүлдэг байна.

Өнгөрсөн жил шинээр ажил горилогчдын дунд явуулсан судалгаагаар ажилд тэнцэхэд гадаад төрх нөлөөлдөг хэмээн 88 хувь нь үзсэн байна. Тиймээс охид бүсгүйчүүд сайн ажилд орохын тулд гоо сайхны хагалгаа хийлгэх явдал элбэг байдаг аж. Мөн ажлын ярилцлагад орохоосоо өмнө үнэтэй гоо сайхны газар нүүрээ будуулж, үсээ янзлуулах нь хэвийн үзэгдэл болжээ.

Өмнөд Солонгосын МВС сувгийн хөтлөгч Им Хюн Жу тус хөдөлгөөнийг газар авахад онцгой нөлөө үзүүлсэн байна. Тэрбээр нүдний шил зүүж, зурагтын нэвтрүүлэг хөтөлсөн анхны эмэгтэй болжээ. Тус улсад эрэгтэй хөтлөгч нар харааны шил зүүнгээ зурагтаар гарах нь хэвийн зүйл боловч эмэгтэй хүмүүсийн хувьд хориотой хэмээх бичигдээгүй хууль үйлчилдэг байна. Им Хюн Жу хөтлөгчийн энэ үйлдлийг олон хүмүүс эергээр хүлээн авч, урам хайрласан аж.

Цөөн тооны залуу хүмүүс тус хөдөлгөөнийг эхлүүлж байгаа ч яваандаа хүчээ авч, нийгэм дэх энэ ойлголтыг өөрчлөн, бүсгүйчүүдийг хэрэггүй зүйлд санаагаа чилээн, цаг заваа зарцуулдаг зуршлаас нь салгаж, эмэгтэй хүний дотоод гоо үзэсгэлэнгийн тухай илүү их анхаарахад хүргэх болно хэмээн өмнөд Солонгосын хэвлэлд бичжээ.

Эх сурвалж: BBC

 

"Болор дуран"-аар шалгав.
Энэ мэдээнд өгөх таны сэтгэгдэл?
29
ЗөвЗөв
1
ГайхмаарГайхмаар
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-12-10 70.71.250.119

Ene tegeed Linda Bay ni umuu?? Youtube-r nuur herhen budah tuhai bichleg oruuldag bsan umuu ? hen enenii bichlegiig uzej nuuree budah ve dee.

Avatar

Зочин 2018-12-10 70.71.250.119

nuur budah bol soel. yadaj ooriigoo hundetgej bgaa zuil busdiig hundetgedeggui umaa gehed. Unetei goe cosmetic heregleh yamar taalamjtai medremj toruuldeg geech! gehdee bugd budah estoi, budsan hioorhon huuhen l amidrah ajillah hunii zeregt yavah gedeg bol buruu. Mongol huuhnuud ugiin zarailag, torolhiin zov intelligent dur torhtei tul solongos huuhnuud shig uheldeh hereg ch baihgui sh dee. Joohon budaad l tasarhai haragddag mania ohiduud. Hoorhii zovlont solongoschuud yamar ch erh choloogui

Avatar

zochin 2018-12-10 73.50.124.67

nad shig Zalkhuu zavgui khund amar l bna da

Avatar

зочин 2018-12-10 182.160.40.142

тиймээс л со нар монгол хүүхэн аваад байгаа юм шдээ, харамсалтай нь монгол хүүхнүүд намайг аваач л гээд байх нь тэр, монгол үндэстэн ирээдүйд байхгүй болох дүр зураг байна

Avatar

1 2018-12-10 202.179.24.206

Аргагүй ээ, солонгосууд хүнийг өнгө мөнгөөр нь л үнэлдэг, баяны шээс байсан ч болно гол нь мөнгөтэй л бол далдага *аана.

Avatar

Зочин 2018-12-10 45.117.35.66

Халз нүүрээ угаахуу гэшшш хаха

Avatar

Зочин 2018-12-10 79.134.234.247

Нүүрээ будна гэдэг бол дотроо хүчгүй хүний шинж шүү дээ.

NewsMN Гар утасны хувилбар Татах
NEWS.mn

Мэдээллийн эх сурвалж