Нийслэлийн Баянзүрх дүүргийн нэгдүгээр хороонд байрлах Сансарын KFC түргэн хоолны газарт согтуу хүн буу гаргаж танхайран ажилтнууд болон үйлчлүүлэгчдийг айлган сүрдүүлж танхайрсан хэрэг арванхоёрдугаар сарын 8-ны өдөр гарчээ.

Тухайн өдөр 05.50 цагт цагдаагийн байгууллагад дуудлага ирсэн байна. Хэргийн дагуу шалгахад тус зоогийн газар танхайрсан этгээд нь Баянзүрх дүүргийн хоёрдугаар хороонд орших суудаг 40 настай эрэгтэй Э болохыг тогтоожээ. Тэрбээр согтуурсан үедээ ПБ-4-2 маркийн хийн гар буу гаргаж хоолны газрын ажилтнууд болон үйлчлүүлэгчдийг айлган сүрдүүлж танхайрсан байна. Баянзүрх дүүрэг дэх Цагдаагийн хоёрдугаар хэлтсийн ажилтнууд ПБ-4-2 маркийн хийн гар буу,  хоёр ширхэг сумыг хураан шалгаж байгаа аж.

Э.БУРАМ