Шатахууны үнэ уржигдраас /2018.12.07/-өөс эхлэн 100 төгрөгөөр буурсан. Уул уурхай, хүнд үйлдвэрийн яамнаас  шатахууны худалдаа эрхлэгч аж ахуйн нэгжүүдэд жижиглэнгээр борлуулж буй шатахууны үнийг эдийн засгийн зохистой түвшинд тогтвортой байлгах” заалтыг хэрэгжүүлэх, мөн шатахууны хилийн үнэ буурсан үед шатахууны жижиглэнгийн үнийг буулгаж байх чиглэлийг нефть импортлогч нарт хүргүүлсэн байна.

Уг заалт Монгол Улсын Засгийн Газрын  2018 оны  59 дүгээр тогтоолоор батлагдсан “Газрын тосны бүтээгдэхүүний үнэ хангамж, үнийг тогтворжуулах зохион байгуулах, хяналт тавих үүрэг бүхий төр хувийн хэвшил  иргэний нийгмийн байгууллагуудын хамтарсан  зөвлөл”-ийн  2018 оны 1,2,3 дугаар хуралдаанаас гарсан зөвлөмжид тусгагдсан байдаг. Цаашид шатахууны үнэ үе шаттайгаар  буурахыг салбарын яамнаас мэдэгдлээ.