“Miss World 2018” гоо бүсгүй шалгаруулах тэмцээн өнөөдөр БНХАУ-ын Санья хотод өндөрлөлөө. Энэ жилийн дэлхийн тэргүүн миссээр Мексикийн мисс Ванесса Понсе тодорч гоо сайхны оргил болсон энэхүү тэмцээний титмийн эзэн боллоо. Тэрбээр Топ 12-т Америк тивийн оролцогчдоос шалгарсан юм.

“Miss World 2018”  тэмцээний Топ 5-д Беларус, Ямайк, Мексик, Уганда болон Ази тивийн тэргүүн гоо бүсгүй Тайландын миссүүд шалгараад байсан. Тэгвэл титмийн эзнээр 26 настай Мексикийн Ванесса Понсе тодорлоо.

Угандагийн мисс Абенакёо улсынхаа түүхэн амжилтыг үзүүллээ. Тус улсаас дэлхийн мисс тэмцээнд оролцсон миссүүдээс топ 30-д багтаагүй байсан бөгөөд энэхүү амжилтыг 12 бүр цаашлаад финалын тав болгон ахиулсан юм. Мөн Топ 5-д үлдсэн бусад орны миссүүд ч түүхэн амжилтыг гаргалаа.

“Miss World 2018” гоо бүсгүй шалгаруулах тэмцээнд 118 орны гоо бүсгүйчүүд дөрвөн долоо хоногийн турш өөрсдийн авьяас чадвар, оюун ухаан, гоо үзэсгэлэнгээрээ өрсөлдсөн. Өнөөдрийн финалын шалгаруулалтад зөвхөн 30 нь шалгаран үлдсэн бөгөөд харамсалтай нь Монголын мисс Э.Энхриймаа багтаж чадсангүй.

Олон улсын гоо бүсгүй шалгаруулах тэмцээнд анх удаа оролцсон Э.Энхриймаа энэ удаа явцын шалгаруулалтад амжилттай оролцсон юм. Тэрбээр зорилго гоо бүсгүй шалгаруулалтад шилдэг 25-т багтсанаас гадна авьяасын үзүүлбэрт шилдэг оролцогчийн нэг байв.

Сүүлийн жилүүдэд Монгол Улсын миссүүд “Miss World”-д амжилттай оролцож, титмийн төлөө хүчтэй өрсөлдөөнийг үзүүлэх болсон.

2016 онд мисс А.Баярцэцэг эцсийн шатны шалгаруулалтад илбэтэй уран бичлэгийн үзүүлбэрийг үзүүлж, шилдэг 11 оролцогчийн нэг болсон. Мөн 2017 оны “Miss World”-д Ц.Энхжин топ 15-д багтаад байгаа нь хамгийн өндөр амжилт болж байна. Энэ жилийн оролцогч Э.Энхриймаа шилдэг 30-д багтаж чадаагүй ч тэрбээр эх орноо дэлхийн гоо бүсгүй шалгаруулах тэмцээнээс амжилттай танилцуулж чадлаа.

Miss World Continental Queens 2018 Are:

Miss World Europe Is: Belarus

Miss World Caribbean Is: Jamaica

Miss World Americas Is: Mexico

Miss World Africa Is: Uganda

Miss World Asia and Oceania Is: Thailand