Пушкины нэрэмжит Дүрслэх урлагийн музейн гол байрыг 2022 онд засварлахаар төлөвлөж байна. Гол барилгыг бүрэн хааж засварлах бөгөөд 2026 онд засварын ажлыг дуусгахаар төлөвлөж байна хэмээн музейн захирал Марина Лошак Мягмар гаригт /2018.12.04/ сэтгүүлчдэд мэдээллээ.

Засварын ажлыг хэрхэн, яаж хийх талаар одоо ид ярилцаж байгаа ажээ.

“Музейн үзэгдэх байдлыг өөрчилмөөр байгаа ч гол барилгыг урлагийн үнэт объект гэдэг утгаар нь хэвээр үлдээх бодолтой байна” хэмээн Марина Лошак хэллээ.

Эх сурвалж: РИА НОВОСТИ