Монголын боулингийн холбооны 2018 оны улсын аварга шалгаруулах нээлтэй тэмцээнийг энэ сарын 10-12-нд “Big bowling” төвд болох гэж байна. Тус холбооны 22 жилийн ой энэ онд тохиож байна. Тэмцээн эрэгтэй, эмэгтэй, ганцаарчилсан, эрэгтэй хос, эмэгтэй хос, холимог баг /2 эрэгтэй, 1 эмэгтэй/ гэсэн төрлөөр явагдаж шилдгүүдээ тодруулна. Хэрвээ тамирчин бүх төрөлд оролцвол нийт 16 тоглолт гүйцэтгэх юм байна. Тэмцээний үеэр шилдгүүдээс гадна хамгийн өндөр оноотой тамирчид “Мастерс” ангилалд бас өрсөлдөх аж.