ТӨБЗГ-ын даргын үүргийг түр орлон гүйцэтгэгч Б.Ганбат ажлаа хүлээн авлаа

Засгийн газрын 2018 оны өчигдрийн хуралдаанаар Төрийн өмчийн бодлого, зохицуулалтын газрын дарга /ТАБЗГ/-ын даргын үүргийг түр орлон гүйцэтгэгчээр Б.Ганбатыг томилох шийдвэр гаргасан билээ. Тэгвэл тэрбээр өнөөдөр Төрийн өмчийн бодлого, зохицуулалтын газрын дарга асан Ц.Ням-Осороос тамгаа хүлээн авч үүрэгт ажилдаа орлоо.

Б.Ганбат нь хуульч мэргэжилтэй. ОХУ-ын Дотоод явдлын яамны академи, Лондонгийн их сургуулийн хуулийн коллеж төгссөн. 1990-1995 онд Дорноговь аймаг, Баянгол дүүргийн цагдаагийн хэлтэст төлөөлөгч, мөрдөн байцаагч, 1995-2013 онд Сангийн яамны хуулийн хэлтэст мэргэжилтэн, ахлах мэргэжилтэн, хэлтсийн дарга, орлогч дарга, газрын дарга, 2013-2014 онд Дэлхийн банкны төсөлд шинжээч, 2014-2016 онд өмгөөлөгч, 2016 онд Засгийн газрын Хэрэг эрхлэх газрын Хяналт, шинжилгээ, үнэлгээ, дотоод аудитын газрын дарга, мөн оны наймдугаар сараас Монголбанкны Хууль, эрх зүйн газрын захирлаар ажиллаж байжээ.

Сануулахад, ТӨБЗГ-ын дарга Ц.Ням-Осор өөрийн эзэмшлийн компанидаа ЖДҮ-ийг хөгжүүлэх сангаас зээл авсан асуудалд холбогдож, өөрийн хүсэлтээр ажлаасаа чөлөөлөгдсөн юм.

Ш.ОЧ

5 сэтгэгдэл

Хариулахаа болих

Зочин 2018-12-06 202.70.44.146

Тулхтай, туршлагатай зөв хүн томилогджээ. Амжилт хүсье. Ц.Ням-Осор муугуй ажилласан шүү. Төрийн өмчит компануудыг ашигтай ажиллаж эхлүүлсэн. Удирдлаганд нь ажилладаг залуучууд нь ч гэсэн зарчимтай, шударга ажлын төлөө хүмүүс байдаг. Төрийн өмчит компанийнхан бүгд мэднээ. Хүнийг гүтгэж доромжилвол өөрт нь үйлийн үр ямар муухай эргэж буудгийг дэлгэцийн цаанаас шүлсээ үсчүүлэгч минь анхаараарайдаа.

Хариулах

ЖДҮ-ЧИН ТӨБЗГ Ц.НЯМ-ОСОР ТӨРӨӨС ШИВШИГТЭЙГЭЭР ЗАЙЛЛАА 2018-12-06 64.119.25.211

ЖДҮ-чин Ням-Осор Хялганатын модны үйлдвэр зэргээс хулгайлсан мөнгөөрөө авсан уран зурагнуудаа зарж 500.000.000 зээлээ төлж ядарсан иргэдэд боломж олгооч муу луйварчаан. ЗГ-ын агентлагын дарга байж хувийн компанидаа 500 сая авсан чинь шоронд орох үйлдэл шүү. ТӨБЗГ-т чирч ирсэн ац долоог,цүнх баригч мэргэжилгүй БАЯР-ЭРДЭНЭЭ АВААД ЗАЙЛ. Бас тэр Бадмшуналын шивэгчин царайлсан ГАВААГ аваад далд ор. Бас Эрдэнэт ГОК-оос хувийн Сэлэнгэ буудалдаа шилжүүлсэн олон сая төгрөгөө АТГ-д шалгуулаарай.