НБА-д 5 тоглолт өнөө өглөө болов. Техасын Даллас Маверикс баг талбайдаа Портлэнд Трэйл Блэйзерс багийг хүлээн авч 111-102 харьцаатай буулгаж авсан. Тус тоглолтонд Даллас Маверикс багийн энэ оны драфтын сонголт Словени залуу Л.Дончич талбай дээр 31 минут тоглож 21 оноо 9 самбар, 3 дамжуулалт өгч багийнхаа ялалтанд голлох үүрэг гүйцэтгэсэн байна. Даллас Маверикс багаас гараанд гарсан тоглогчид бүгд 10-аас дээш оноо авсан бөгөөд У.Мэттьюс 17 оноо, Д.Жордан, Д.Смит нар тус бүр 12 оноо авсан бол Х.Барнес 11 оноо авчээ. Харин эсрэг багаас Д.Лиллиард 33 оноо авсан ч баг нь хожиход хангалтгүй байв. Даллас Маверикс баг тус тоглолтонд хожил авснаар 12 дахь хожлоо авч байна.

Мөн өнөөдөр Юта Жазз баг талбайдаа Сан-Антониос Спөрс багийг хүлээн авч 139-105 харьцаатай хожсон байна. Талбайн эздээс Д.Митчел 20 оноо авсан бөгөөд гараанд гарсан бүх тоглогчид 10-аас дээш оноо авч, сэлгээнээс К.Корвер 15 оноо, Р.О’Нейл 11 оноогоор багтаа тус хүргэжээ. Харин зочин баг гараанд гарсан Л.Олдриж, Д.ДеРозан нар тус бүр 16 оноо авсан бол бусад тоглогчид нь хангалгүй байв. Сан-Антонио ийнхүү улирлын 13 дахь хожигдлоо амсаж байна.

БУСАД ТОГЛОЛТЫН ҮР ДҮН:

• Индиана Пейсерс 96-90 Чикаго Буллс
• Миами Хит 90-105 Орландо Мэжик
• Финикс Санс 105-122 Сакраменто Кингс

Б.БЯМБАБАЯР