БНАСАУ-ын Гадаад хэргийн сайд Ри Ён Хо мягмар гаригт Сирийн Ерөнхийлөгч Башар Асадтай уулзаж, хоёр орны хоорондын харилцааг өргөжүүлэх асуудлыг хэлэлцсэн талаар Сирийн Ерөнхийлөгчийн албанаас мэдээлжээ.

БНСУ-ын Төв мэдээний агентлаг (KCNA) өмнө нь “Ри тэргүүтэй Хойд Солонгосын төлөөлөгчид даваа гаригт Дамаск хотод хүрэлцэн ирлээ” хэмээн мэдээлж байв.

Албаны төлөөлөгчийн мэдээлснээр, Ри Хойд Солонгосын удирдагч Ким Жон Уны Сирийн Ерөнхийлөгчид хандан хоёр орны хоорондын харилцаа холбоог хөгжүүлэх арга замын талаар хэлэлцэхээр дайсан үгийг дамжуулжээ.

Ри-гийн Сирид хийсэн айлчлал өндөрлөсөн бөгөөд тэрбээр Вьетнам улсад хийж буй дөрвөн өдрийн айлчлалынхаа хүрээнд тус улсын Ерөнхий сайд Нгуен Сюань Фуктай уулзсан байна.

Пундитын мэдээлснээр, Ри Ён Хо Сирийн Ерөнхийлөгчийн БНАСАУ-д хийхээр төлөвлөж буй айлчлалын бэлтгэл ажлыг хангах хүрээнд Сирид айлчсан байх магадлалтай аж.

Ирэх пүрэв гаригт тэрбээр БНХАУ-д хийх гурван өдрийн айлчлалаа эхлүүлж, айлчлалын хүрээнд тус улсын Гадаад хэргийн сайд Ван И-тэй яриа хэлэлцээ хийх талаар Хятадын Гадаад хэргийн яамны Хэвлэлийн албаны төлөөлөгч мэдээлжээ.

Ри Ён Хогийн айлчлал хоёр орны харилцаа холбоог өргөжүүлэн хөгжүүлэхэд чиглэгдэж буй бөгөөд Солонгосын хойг болон бусад тулгамдсан асуудлуудын талаар хэлэлцэх юм байна.

Мөн ирэх оны эхээр төлөвлөгдөж буй АНУ, БНАСАУ-ын удирдагчдын дээд хэмжээний хоёр дахь уулзалтын талаар санал бодлоо солилцох ажээ. АНУ-ын Засаг захиргаанаас “БНАСАУ цөмийн зэвсгээс бүрэн ангижрах хүртэл тус улсын эсрэг авсан хориг арга хэмжээг үргэлжлүүлнэ” гэж мэдэгдсэн билээ. Ри Ён Хо-гийн хувьд БНХАУ-ын талаас тус хоригийг зөөлрүүлэхэд туслахыг уриалж магадгүй байгаа аж.

Эх сурвалж: Yonhap news agency