Ангела Меркель дахин дэлхийн хамгийн нөлөө бүхий эмэгтэйгээр тодорчээ | News.MN

Ангела Меркель дахин дэлхийн хамгийн нөлөө бүхий эмэгтэйгээр тодорчээ

Хуучирсан мэдээ: 2018.12.05-нд нийтлэгдсэн

Ангела Меркель дахин дэлхийн хамгийн нөлөө бүхий эмэгтэйгээр тодорчээ

Ангела Меркель дахин дэлхийн хамгийн нөлөө бүхий эмэгтэйгээр тодорчээ

“Forbes” сэтгүүлээс жил бүр гаргадаг “Дэлхийн хамгийн нөлөө бүхий 100 эмэгтэй”-н жагсаалтыг дахин Германы Канцлер Ангела Меркель тэргүүлжээ. Энэхүү жагсаалтыг “Forbes” сэтгүүл 2004 оноос эхлэн жил бүр гаргаж буй.

Жагсаалтыг гаргахдаа хэвлэл мэдээллийн хэрэгслүүдийн анхаарлыг хэр их татсан, нийгмийн салбаруудад үзүүлдэг нөлөө зэргийг нь харгалзан үздэг байна. Дэлхийн хүчирхэг эмэгтэйчүүдийн жагсаалтад жил бүр урлаг соёл, нийгэм, улс төр, эдийн засаг гээд маш олон салбарын эмэгтэйчүүд багтдаг.

Германы Канцлерын албыг 2005 оноос хойш хашиж байгаа Ангела Меркель 2021 оноос дахин сонгуульд өрсөлдөхгүй болсон ч “Европын жинхэнэ удирдагч хэвээр үлдэж байна” хэмээн хэвлэлүүд онцолжээ.

Удаах байруудад Их Британийн Ерөнхий сайд Тереза Мэй, ОУВС-гийн тэргүүн Кристин Лагард нар орсон бол алдарт хөтлөгч Опра Уинфри жагсаалтын 20 дугаарт бичигдсэн байна. Харин Их Британийн Хатан хаан II Елизавета 23 дугаарт оржээ.

АНУ-ын Ерөнхийлөгч Дональд Трампын охин, Ерөнхийлөгчийн зөвлөх Иванка Трамп 24 дүгээрт жагссан байна. Америкийн дуучин Бейонсе жагсаалтын 49 дүгээрт бичигдсэн бол ОХУ-ын Төв банкны дарга Эльвира Набиуллина жагсаалтын 50 дугаарт бичигджээ.

Эх сурвалж: www.independent.co.uk

 

 

 

 

 

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж