Дотоодын цэргийн 805 дугаар ангийн бүрэлдэхүүн тус ангиас цэргийн байнгын тэтгэвэрт гарч буй алба хаагчдадаа хүндэтгэл үзүүлэх ёслолын ажиллагааг өнөөдөр /2018.12.04/ зохион байгууллаа.

Энэхүү цэргийн ангитай ажил, амьдралаа холбон эх орон, ард түмэндээ өргөсөн тангарагтаа үнэнчээр зүтгэж, олон жил үр бүтээлтэй ажиллаад цэргийн байнгын тэтгэвэрт гарч буй алба хаагчдаа ангийн бие бүрэлдэхүүн байлдааны тугийн дор жигдэрч, ёслолын жагсаалаар алхаж ёслол төгөлдөр үдлээ.

Дотоодын цэргийн 805 дугаар ангийн захирагч, хурандаа Ж.Түмэнтулга алба хаагчдад дурсгалын зүйл гардуулан өгч, цаашдын амьдрал үйлсэд нь амжилт ерөөлөө.

Эх сурвалж: ЦАГДААГИЙН ЕРӨНХИЙ ГАЗАР