Настнуудын эмчийн хэрэгцээ эрс өсчээ

Хуучирсан мэдээ: 2018.12.04-нд нийтлэгдсэн

Настнуудын эмчийн хэрэгцээ эрс өсчээ

Настнуудын эмчийн хэрэгцээ эрс өсчээ

Дэлхийн эрүүл мэндийн байгууллагаас 2020 онд 60 болон түүнээс дээш настнууд тав хүртэлх насны хүүхдийн нийт тооноос олон болно гэх тооцоог гаргажээ. Тодруулбал, 2015-2050 онд  60-аас дээш ахмад настан дэлхийн бүх хүн амын 12-22 хувь болж нэмэгдэх аж.  Үндэсний статистикийн хорооны мэдээллээр Монгол Улсын хүн ам 2017 оны жилийн эцсийн байдлаар 3.2 сая болж, настны тоо 273468 буюу нийт хүн амын 8.6 хувийг эзэлж байна. Настны тоо өсөн нэмэгдэх хэрээр тэдэнд эрүүл мэндийн тусламж үйлчилгээг цогц байдлаар үзүүлэх ур чадварыг эзэмшсэн эмнэлгийн мэргэжилтэнг бэлтгэх хэрэгцээ улам бүр нэмэгдэж байгаа юм.

Нэгдсэн улсын Насжилтын үндэсний төвийн (National Institute on Ageing) гаргасан зөвлөмжид заасны дагуу 60 ба түүнээс дээш насны 5000 хүн амын дунд 1 настны эмч байна гэсэн зөвлөмжтэй харьцуулж үзэхэд улсын хэмжээнд настны эмч 26 байгаа нь шаардагдаж буй хэрэгцээний  48,1 хувийг эзэлж байна. Цаашид нийт 54 настны мэргэшсэн эмч, 108 сувилагч хэрэгцээтэй байгаа юм.

Өнөөдрийн байдлаар Монголд  наслалт дагасан өвчлөлийг судлах, ахмад настнуудад эрүүл мэндийн тусламж үзүүлэх зорилготой Герантологийн үндэсний төв байгуулагдаад ажиллаж буй. Энэ салбар нь шинээр хөгжиж байгаа бөгөөд цаашид настанд цогц тусламж үйлчилгээ үзүүлэхэд мэргэшсэн настны эмч төдийгүй олон улсын жишгээр төрөлжсөн мэргэжлийн эмч мэргэжилтэн, мөн настны эмч-сэтгэл зүйч гэх мэт хосолсон мэргэжлийг эзэмших асуудал тавигдаж буй. Тэдэнд чиглэсэн насжилт судлал, настны настны эмгэг судлалын мэргэшсэн тусламж үйлчилгээ үзүүлэх, настны бие махбод, сэтгэлзүй, нийгмийн болон эрүүл мэндийн өвөрмөц хэрэгцээг ойлгодог мэргэжилтнүүд хэрэгтэй.

Эрүүл мэнд, Сангийн сайдын хамтарсан 2015 оны гуравдугаар сарын 16-ны өдрийн 97/56 тоот тушаал, Төвийн дүрмийн заалт “Ахмадын эмч, мэргэжилтэн бэлтгэх, давтан сургах, тэдгээрийн мэргэшлийг дээшлүүлэх сургалт явуулах, Геронтологийн үндэсний төвийн сургалт эрхлэх журмын заалтын дагуу төв нь жил бүр настны эмч, сувилагч бэлтгэх төрөлжсөн мэргэжлийн сургалтыг зохион байгуулдаг. Иймд Геронтологийн үндэсний төв нь улсын хэмжээнд төрөлжсөн мэргэжлийн тусламж үйлчилгээ үзүүлдэг лавлагаа төвийн  хувьд мэргэшсэн  настны эмч, сувилагчийг мэргэшүүлэх сургалтыг явуулах эрх бүхий  сургалтын бааз  төв, сургалт эрхлэгч байгууллага болж өргөжүүлэх шаардлага бий юм.

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж