Др.Бүнконг Сихавонгийг Ё.Баатарбилэг хүлээн авч уулзлаа

Хуучирсан мэдээ: 2018.12.04-нд нийтлэгдсэн

Др.Бүнконг Сихавонгийг Ё.Баатарбилэг хүлээн авч уулзлаа

Др.Бүнконг Сихавонгийг Ё.Баатарбилэг хүлээн авч уулзлаа

Монгол Улс,  Бүгд Найрамдах Ардчилсан Лаос Ард Улс (БНАЛАУ)-ын Засгийн газар хоорондын  11 дүгээр ээлжит хуралдаан өчигдөр амжилттай болж өндөрлөсөн билээ.  Өнөөдөр /2018.12.04/  Улсын Их Хурлын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Ё.Баатарбилэг БНАЛАУ-ын Эрүүл мэндийн сайд, Комиссын Лаосын хэсгийн дарга Др.Бүнконг Сихавонг тэргүүтэй төлөөлөгчдийг хүлээн авч уулзаж, хоёр улсын харилцаа, хамтын ажиллагааны асуудлаар санал солилцов. Уулзалтад УИХ дахь Монгол-Лаосын парламентын бүлгийн гишүүн Д.Тэрбишдагва, Б.Ундармаа нар оролцлоо.

Уулзалтын эхэнд Монгол, Лаосын харилцааны өнөөгийн байдал, худалдаа, эдийн засгийн харилцааг хувийн хэвшил рүү чиглүүлж тогтвортой хөгжүүлэх сонирхолтой байгааг Ё.Баатарбилэг гишүүн онцоллоо. Харин БНАЛАУ-ын Эрүүл мэндийн сайд Др. Бүнконг Сихавонг эрүүл мэнд, уул уурхайн салбарт хамтран ажиллах сонирхолтой байгааг дуулгалаа. Мөн хоёр улсын орон нутаг, аймаг, хотуудын хооронд харилцаа холбоо тогтоох санал санаачилгыг дэмжиж ажиллах нь зүйтэй гэж талууд үзлээ.  Үүнээс гадна  Монгол Улсын Засгийн газар хүмүүнлэгийн тусламжаар БНАЛАУ-д 1050 хонь бэлэглэсэнд Лаосын тал талархал илэрхийлсэн юм. Цаашид хонин сүргийг өсгөн үржүүлэх, энэ нь Лаосын мал аж ахуйн салбарын хөгжилд чухал үүрэг гүйцэтгэнэ гэдэгт итгэлтэй байна гэсэн юм. Монгол Улсыг Ази, Номхон далайн бүс нутгийн эдийн засгийн хамтын ажиллагааны үйл явцуудад нэгдэх, АСЕАН-ы зах зээлд орох, худалдаа хийхэд хоёр тал хамтран ажиллахаар боллоо гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж