Афганистан дахь талибануудын удирдагчдын нэг амиа алджээ | News.MN

Афганистан дахь талибануудын удирдагчдын нэг амиа алджээ

Хуучирсан мэдээ: 2018.12.03-нд нийтлэгдсэн

Афганистан дахь талибануудын удирдагчдын нэг амиа алджээ

Афганистан дахь талибануудын удирдагчдын нэг амиа алджээ

“Талибан” бүлэглэлийн гол удирдагчдын нэг Афганистанд болсон АНУ-ын агаарын довтолгоонд өртөн өнгөрсөн шөнө /2018.12.02/ амиа алдсан байна. Муллах Абдул Манан Акхунд нь Афганистаны өмнөд хэсгийн Хельмин аймаг дахь талибанчуудын удирдагч байжээ. “Түүний үхэл бидэнд асар их гарз хохирол дагуулсан боловч Афганистанд дахин хяналтаа тогтооход энэ үйл явдал саад болохгүй” хэмээн “Талибан” бүлэглэлээс мэдээлжээ.

Харин Афганистаны Дотоод хэргийн яамны мэдээлснээр, түүний үхэл талибануудад хүнд цохилт үзүүлээд зогсохгүй дайчдынх нь урам зоригийг мохооход нөлөөлнө гэв.

Хельмин аймаг нь АНУ-ын цэргийн хүчнийхний нөлөө дор байж байгаад 2006 онд Херик ажиллагааны дүнд Британийн цэргүүд суурьшин, найман жилийн турш хяналтаа тогтоогоод байсан ч түүнээс хойш ихэнх хэсэг нь талибанчуудын мэдэлд очжээ.

Афганистан дахь “Талибан” бүлэглэлийн үйл ажиллагаа 2014 оноос хойш идэвхжин, олон газар нутагт нь өөрсдийн хяналтыг тогтоогоод байгаа билээ. Сүүлийн үеийн мэдээллээс үзэхэд тус улсын 15 сая хүн буюу нийт хүн амын тал нь Талибанчуудын эзэлсэн эсвэл тэдний хяналтаа тогтоосон газар нутагт амьдарч байгаа аж.

Гэхдээ сүүлийн үед “Талибан” бүлэглэлийнхэн энхийн тухай яриа хэлэлцээнд ихээхэн хүчин чармайлт гаргах болсны нэг нь өнгөрсөн сард ОХУ-руу төлөөлөгчдөө явуулсан явдал юм. Гэвч тэд Афганистаны Засгийн газартай шууд хэлэлцээ хийхээс татгалзсан хэвээр байна.

Эх сурвалж: ВВС

 

 

Энэ мэдээнд өгөх таны сэтгэгдэл?
2
ХарамсалтайХарамсалтай
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж