Нэрт дуучин поп од Мадонна өчигдөр зохион байгуулагдаж өндөрлөсөн Их Британийн хөгжмийн салбарын томоохон наадам “Brit Awards-2015”-т ая дуугаа өргөсөн бөгөөд энэ үеэр тайзнаас унажээ. 

Тэрбээр “Living For Love” дуугаараа шүтэн бишрэгчиддээ бэлэг барьсан байна. Дуу эхэлж, бүжигчид нь үзүүлбэрээ эхлэн түүнийг тайзнаа аваачин, нөмрөгийг нь тайлахыг оролдох үед Мадонна татагдан хөл алдаж, нэлээд эв хавгүй байдалтай унажээ.

Ямартай ч, тэрбээр тайзнаа гарч, дуугаа хэвийн үргэлжлүүлэн дуулж дуусгасан байна.  Тэрбээр  ямар нэгэн байдлаар гэмтэл аваагүй, “сайн” байгаа хэмээн санаа зовсон шүтэн бишрэгчдээ тайвшруулаад амжжээ.  Мөн тэрхүү нөмрөгийн уяаг хэтэрхий чанга уясанаас бүтэлгүйтсэн гэдгээ ч нуугаагүй байна.

Б.Даваа

Эх сурвалж: www.mminfo.mn