Монгол орны нутаг дэвсгэрт археологийн 86 мянга 157 ширхэг үл хөдлөх дурсгал байгаагийн 70 орчим хувийг булш, хиргисүүр эзэлж байна. Харин маш бага буву 0.1 хүрэхгүй хувийг чулуун зэвсэгийн үед холбогдох дурсгалт зүйлс эзэлж байна гэж Соёлын өвийн үндэсний төвийн дарга Г.Энхбат хэлж байв. Тэрбээр “Эрдэм шинжилгээний байгууллагуудтай хамтран явуулсан 2015 оны судалгаагаар анх удаа археологийн дурсгалт олдворуудад тооллого хийсэн. Нийт 21 аймгийн 331 суманд 9537 дурсгалт газрыг хамруулсан байгаа. Эдгээрийн дийлэнхийг булш хиргисүүр эзэлж байгаа юм. Үл хөдлөх дурсгалт эд өлгийн зүйлсийг өнөөдөр эзэнтэй болгох шаардлага гарч байна. Үүний тулд аялал жуулчлалыг хөгжүүлэх хэрэгцээ байна. Энэ салбарын бизнес эрхлэгч, аж ахуй нэгж компаниуд эдгээр дурсгалт зүйлсийн дэргэд үйл ажиллагаа явуулбал ашиглангаа хамгаалъя л гэсэн үг” гэлээ.