Цаг агаарын гамшигт үзэгдэл болох гэж байгаа талаар Цаг уур орчны шинжилгээний газар болон Онцгой байдлын газраас өнөөдөр /2018.11.29/ мэдээлэл хийлээ.

Анхааруулахад, арваннэгдүгээр сарын 30-наас арванхоёрдугаар сарын 1-нд шилжих шөнө Баян-Өлгий, Увс, Ховд аймгийн нутгаар, 1-ны өдөр Ховд, Говь-Алтайн нутгаар салхи секундэд 28-30 метр, зарим үед 34 метр хүртэл ширүүсч, цасан шуурга шуурах юм байна.

Харин энэ сарын 2-нд баруун аймгуудын нутгийн зүүн, төв, говь, зүүн аймгуудын нутгаар салхи секундэд 18-20 метр, зарим үед 24 метр хүртэл ширүүсч, цасан болон шороон шуурга шуурна.

Энэ удаагийн гамшигт үзэгдлийн онцлог нь цас их орох юм байна. Цаг агаарын гамшигт үзэгдэл болох тул орон нутгийн замыг хаах ажээ.