Валют арилжааны “Найман шарга” захад өнөөдөр /2018.11.29/ченжүүд ам.долларыг 2627 төгрөгөөр худалдан авч, 2635 төгрөгөөр зарж байна. Өглөө 11:00 цагийн үед 2630 төгрөгийн ханштай байсан ам.доллар үдээс хойш таван төгрөгөөр чангарсан аж.

Монголбанкнаас зарласан ам.долларын нэрлэсэн ханш 2605.84 төгрөгтэй тэнцэж байна. Төв банкнаас хамгийн сүүлд энэ сарын 22-ны өдөр 2591.93 төгрөгийн ханштайгаар 30.5 сая ам.доллар нийлүүлжээ. Төв банкнаас арваннэгдүгээр сар гарснаас хойш нийтдээ 212.3 сая ам.долларын нийлүүлсэн ч валютын ханш тасралтгүй өсч буй аж.

Г.ХОРОЛ