Монголын дизайнеруудын холбооноос жил бүр уламжлал болгон зохион байгуулдаг "Гоёл-2019" наадам энэ сарын 30-нд болно.  Тус наадмаар  шилдэг загвар зохион бүтээгч, загварын товчоо болон загвар өмсөгчдөө шалгаруулдаг билээ. "Гоёл" наадам загварын долоо хоногоор эхлэх бөгөөд шилдгүүдээ тодруулах гала тоглолт Соёлын төв өргөөнд болох юм байна. Энэ үеэр загвар зохион бүтээгчид 2019 оны хувцас загварын чиг хандлагыг тодорхойлох шилдэг бүтээлүүдээ танилцуулж, ур чадвараараа өрсөлдөнө.

Мөн Монголын дизайнеруудын холбоонд Оюуны өмчийн улсын бүртгэлийн ерөнхий газрын даргын тушаалаар  "Топ модель", "Гранпри", "Гоёл" барааны тэмдгүүдийг албан ёсоор эзэмших зөвшөөрлийг олгох юм.

Т.НОМИН