Монгол Улс  2017 онд 470 мянган жуулчин хүлээн авсан нь аялал жуулчлалын салбар дахь хамгийн өндөр тоо юм. Ийм хэмжээний жуулчдаас 400 орчим сая ам.доллар буюу нэг их наяд төгрөгийн орлого төвлөрүүлсэн байдаг. Гэхдээ Монгол Улс нь зуны улиралд гурван сая жуулчин хүлээн авах хүчин чадалтай  ч сүүлийн 10 жилд Монголд ирж буй гадаадын жуулчдын дундаж тоо 400 мянгаас илүү гарахгүй байгаа юм.

Засгийн газар энэ тоог нэмэгдүүлэхийн тулд дараах зорилтыг дэвшүүлээд байна. Тухайлбал, 2020 онд гадаадын жуулчдын тоог нэг саяд, салбарын орлогыг нэг тэрбум ам.долларт хүргэх.  Уг зорилтыг биелүүлэхийн тулд аялал жуулчлалын салбарын гадаад сурталчилгаа, маркетингийн үйл ажиллагааг сайжруулах шаардлагатай байгаа ажээ.