Гэмтэл, согог судлалын үндэсний төв (ГССҮТ)-д энэ оны эхний арван сарын байдлаар 5272 түлэгдэлтийн шалтгаант осол бүртгэгджээ. Үүний 70.2 хувийг 0-19 насны хүүхэд эзэлж байна. Илүү дэлгэрүүлбэл, мөн насны хүүхдийн 62.2 хувийг буюу 2307 нь 1-4 хүртэлх насны хүүхэд байх юм.

Түүнчлэн ГССҮТ-д энэ оны эхний арван сарын байдлаар 230 хүн нас барсны 16  нь түлэгдэлтийн улмаас нас баржээ. Тэдний долоо нь 0-19 хүртэлх насны хүүхэд байжээ.

Мэргэжлийн хяналтын ерөнхий газраас гаргасан мэдээллээр түлэгдэлтийн улмаас эмнэлэгт хандаж байгаа тав хүртэлх насны хүүхдийн 77 хувь нь хоол, цай, 23 хувь нь халуун усанд түлэгддэг ажээ.