Домогт хөлбөмбөгчин П.Шмейхел Монголд ирнэ | News.MN

Домогт хөлбөмбөгчин П.Шмейхел Монголд ирнэ

Домогт хөлбөмбөгчин П.Шмейхел Монголд ирнэ

Домогт хөлбөмбөгчин П.Шмейхел Монголд ирнэ

Дэлхийн хөлбөмбөгийн түүхэнд өөрийн нэрээ мөнхөлсөн домогт хөлбөмбөгчин бол Петер Шмейхел билээ. Данийн шигшээ баг болон Английн “Манчестер Юнайтед” багийн домогт тоглогч, дэлхийн шилдэг хаалгачийн шагналыг хоёр удаа хүртсэн Петер Шмейхел Монгол Улсад ирэхээр болсон байна. Тэрбээр Монголын хөлбөмбөгийн холбооноос оны шилдгүүдийг тодруулах “Алтан бөмбөг” ёслолын арга хэмжээнд хүндэт зочноор уригджээ.

Энэхүү арга хэмжээнд жил бүр хүндэт зочид уригдан оролцдог бөгөөд 2017 онд “Манчестер Юнайтед” клуб болон Францын шигшээ багийн довтлогч Луи Саа Монголд ирж, фэнүүдтэйгээ уулзаж байсан юм. Тэгвэл энэ жил дэлхийн шилдэг хаалгачийн шагналыг хоёр удаа хүртсэн Петер Шмейхел ирэхээр болсон байна.

Монголын хөлбөмбөгийн эрэгтэй, эмэгтэй багууд түүхэндээ анх удаа Зүүн Азийн аварга шалгаруулах тэмцээний хоёрдугаар шатанд шалгарсан амжилтыг 2018 онд үзүүлсэн. Мөн дэлхийн сая сая хөгжөөн дэмжигчдийн анхаарлын төвд байсан “ОХУ 2018” хөлбөмбөгийн ДАШТ-ий “Алтан цом” Монголд ирсэн зэрэг томоохон үйл явдлууд энэ онд тохиосон. Тиймээс хөлбөмбөгийн шилдгүүдийг тодруулдаг “Алтан бөмбөг” шагнал гардуулах арга хэмжээ жилээс жилд өргөжиж, дэлхийн домогт одуудыг Монголын үзэгчидтэй уулзуулах боломжийг нээж өгдөг уламжлал тогтжээ.

Дэлхийн шилдэг хаалгачийн шагналыг хоёр удаа хүртэж байсан Петер Шмейхел хүндэт зочинтой Монголын шилдгүүдийг шалгаруулах “Алтан бөмбөг” ёслолын арга хэмжээ ирэх арванхоёрдугаар сарын 12-ны өдөр зохион байгуулагдах тов гарсан байна.

ПЕТЕР ШМЕЙХЕЛЬ: 

  • Английн Премьер Лигийн аварга :1991-1993, 1993-1994, 1995-1996, 1996-1997, 1998-1999 /Манчестер Юнайтед/
  • УЕФА-гийн Аваргуудын Лиг: 1998-1999 /Манчестер Юнайтед/
  • Европийн Аварга: 1992 /Данийн шигшээ баг/
  • Европийн шилдэг хаалгач: 1992, 1993, 1998
  • Дэлхийн шилдэг хаалгач: 1992, 1993
"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-11-22 202.179.27.206

90-uud onii super haalgach ireh n dee. Peter Schmeichel ManU-giin super team-iin 1 n bailaa huurhii. Ai tsag hugatsaa gej..

Avatar

Ш...цан 2018-11-22 202.55.191.194

Танихгүй юм байна. Түүний эд үед univition, skymedia болон энэ их ажилгүй, завтай хүмүүс байгаагүй.

Avatar

Зочин 2018-11-22 202.180.218.37

Чи ядаж Орос хэл ч мэдэхгүй мангар амьтан байсан болохоор юу ч мэдэхгүй өнгөрч дээ…

Avatar

Зочин 2018-11-22 202.21.101.186

Нэгэнт үеэ өнгөрөөсөн хөгшин боргоо нарыг авчрах шаардлагагүй

Avatar

иргэн 2018-11-22 202.70.34.70

Петер ШМАЙХЕЛ гэдэг. Хамбург хотыг Гамбург гэдэг шиг буруу дуурайгаад байна.

NewsMN Гар утасны хувилбар Татах
NEWS.mn

Мэдээллийн эх сурвалж