Шведийн Фалуне хотноо болж буй цанын Дэлхийн аварга шалгаруулах тэмцээнд манай тамирчид уралдаж байна. Тэмцээний эхний өдөр буюу өчигдөр ойрын зайн төрөл болжээ. Эрэгтэйчүүдийн 1,4 км-т 130 тамирчин уралдсанаас 30 нь шигшээ уралдаанд уралдах эрхийг авсан байна. Манай тамирчин Б.Бямбадорж 3 минут 31.67 секундын амжилтаар 71-р байрт, Б.Ачбадрах 3 минут 46 .83 секундын амжилтаар 85-р байрт оров.

Тэмцээний эхний гараа буюу ойрын зайн төрөлд Норвеги улс хоёр алт, хоёр хүрэл медаль хүртсэн бол Канад, Швед улсаас тус бүр нэг мөнгөн медаль хүртжээ.

“Falun-2015” ДАШТ хоёрдугаар сарын 18-наас гуравдугаар сарын 1-ны хооронд болох юм.

Ч.БОЛОР