Ц.Ням-Осор, Ш.Лхамсүрэн нарыг чөлөөлөв

Засгийн газрын ээлжит хуралдаан боллоо. Хуралдаанаар Ерөнхий сайд У.Хүрэлсүх Жижиг дунд үйлдвэрийг хөгжүүлэх сангаас зээл авсан Төрийн өмчийн бодлого зохицуулалтын газрын дарга Ц.Ням-Осор, Барилга хот байгуулалтын дэд сайд Ш.Лхамсүрэн нарыг үүрэгт ажлаас нь чөлөөлжээ. Төрийн өмчийн бодлого зохицуулалтын газрын дарга Ц.Ням-Осор, Барилга хот байгуулалтын дэд сайд Ш.Лхамсүрэн нар өнгөрсөн Баасан гаригт /2018.11.16/ үүрэгт ажлаасаа чөлөөлөгдөх өргөдлөө өгөөд байсан юм.

Мөн Засгийн газрын хуралдаанаар гэр оронгүй тэнэмэл амьдралтай иргэдийн талаар авч хэрэгжүүлэх арга хэмжээний тухай болон Мал аж ахуйн салбарын 2018-2019 оны өвөлжилт, хаваржилтын бэлтгэл хангасан дүнгийн талаар гэх мэт 25 асуудал хэлэлцжээ.

Өвөлжилт хаваржилтын бэлтгэл ажлыг хангах хүрээнд энэ жил гурил, төмсний хэрэгцээгээ 100 хувь хангажээ. Хүнс хөдөө аж ахуй хөнгөн үйлдвэрийн яамнаас газар тариалан эрхлэгч нар нягт ажилласны үр дүнд гурилын хэрэгцээнд шаардагдах 320 мянган тн улаан буудайг 340 мянган тн болгон давуулан хураасан гэх мэдээллийг Засгийн газарт өгсөн байна.

Ингээд Засгийн газрын хуралдаанаар хэлэлцсэн асуудлыг бүрэн эхээр нь хүргэж байна.

№	Хэлэлцэх асуудал	Засгийн газрын гишүүн
1.	Журам батлах тухай	Ө.ЭНХТҮВШИН
2.	Тогтоол, тогтоолын хавсралтад өөрчлөлт оруулах тухай	Г.ЗАНДАНШАТАР
3.	Журам батлах тухай	Г.ЗАНДАНШАТАР
4.	Үл хөдлөх хөрөнгө балансаас балансад шилжүүлэх тухай	Г.ЗАНДАНШАТАР
5.	Гадаад харилцааны сайдын айлчлалын тухай	Д.ЦОГТБААТАР
6.	Монгол, Чехийн Засгийн газар хоорондын хэлэлцээрийн тухай	Д.ЦОГТБААТАР
7.	Гадаад харилцааны сайдын айлчлалын тухай	Д.ЦОГТБААТАР
8.	Улсын Их Хурлын гишүүн Н.Учралын санаачлан боловсруулсан Оюуны өмчийн тухай хуулийн төсөлд Засгийн газраас өгөх санал, дүгнэлтийн тухай	Ц.НЯМДОРЖ
9.	Журамд нэмэлт, өөрчлөлт оруулах тухай	С.ЧИНЗОРИГ
10.	Гэр оронгүй тэнэмэл амьдралтай иргэдийн талаар авч хэрэгжүүлэх арга хэмжээний тухай	С.ЧИНЗОРИГ
11.	Журам батлах тухай	Ц.ЦОГЗОЛМАА
12.	Журам шинэчлэн батлах тухай	Ц.ЦОГЗОЛМАА
13.	Үйлдвэрлэл, технологийн паркийн эрх зүйн байдлын тухай хуульд нэмэлт, өөрчлөлт оруулах тухай хуулийн төслийн тухай	Д.СУМЪЯАБАЗАР
14.	Бусад асуудал*	У.ХҮРЭЛСҮХ
Танилцуулах асуудал
15.	Уул уурхай, хүнд үйлдвэрийн сайдын гадаад томилолтын талаар	Г.ЗАНДАНШАТАР
16.	Эрчим хүчний сайдын гадаад томилолтын талаар	Г.ЗАНДАНШАТАР
17.	Эрүүл мэндийн сайдын гадаад томилолтын талаар	Г.ЗАНДАНШАТАР
18.	Монгол Улс, БНСУ-ын хамтарсан судалгааны дүнгийн талаар	Д.ЦОГТБААТАР
19.	Гадаад харилцааны сайдын Европын аюулгүй байдлын хамтын ажиллагааны байгууллагын уулзалтад оролцох талаар	Д.ЦОГТБААТАР
20.	Гадаад харилцааны сайдын олон улсын бага хурлын уулзалтад оролцсон дүнгийн талаар	Д.ЦОГТБААТАР
21.	Монгол, Германы Засгийн газар хоорондын хэлэлцээний дүнгийн талаар*	Ч.ХҮРЭЛБААТАР
22.	Уул уурхай, хүнд үйлдвэрийн сайдын гадаад томилолтын дүнгийн талаар	Д.СУМЪЯАБАЗАР
23.	2018 оны ургац хураалтын урьдчилсан дүнгийн талаар	Н.ЦЭРЭНБАТ
24.	Мал аж ахуйн салбарын 2018-2019 оны өвөлжилт, хаваржилтын бэлтгэл хангасан дүнгийн талаар	Н.ЦЭРЭНБАТ
25.	Эрүүл мэндийн сайдын гадаад томилолтын дүнгийн талаар	Д.САРАНГЭРЭЛ