Өвчтөн хэвтүүлээгүй нөөц орны зургаар ташаа мэдээлэл цацсан иргэн уучлалт гуйсан | News.MN

Өвчтөн хэвтүүлээгүй нөөц орны зургаар ташаа мэдээлэл цацсан иргэн уучлалт гуйсан

Хуучирсан мэдээ: 2018.11.20-нд нийтлэгдсэн

Өвчтөн хэвтүүлээгүй нөөц орны зургаар ташаа мэдээлэл цацсан иргэн уучлалт гуйсан

Чингэлтэй дүүргийн эрүүл мэндийн төвийн Нэгдсэн эмнэлгийн хүүхдийн тасагт хэвтэн эмчлүүлж буй өвчтөний асран хамгаалагч гэх нэгэн эмэгтэйн цахим орчинд түгээсэн пост сүүлийн өдрүүдэд олны анхаарлыг ихээхэн татаад байгаа. Тус хүүхдийн тасагт тавьсан нөөц орыг ашиглалтын шаардлага хангахгүй, гудас дэвсгэргүй, үнэр танар ихтэй хэмээн тодотгож, эрүүл мэндийн салбар руу дайрч давшилсан мэдээлэл нь  иргэдийн дунд эргэлзээ төрүүлж, эмч мэргэжилтнүүдийн хичээл зүтгэлийг харлуулахад хүргэсэн байна. Тиймээс уг асуудлын хүрээнд Чингэлтэй дүүргийн Эрүүл мэндийн төвийн хүүхдийн тасгийн их эмч Л.Батаагаас тодруулахад “Манай нэгдсэн эмнэлгийн хүүхдийн тасагт үндсэн 75, хүүхдийн эрчимт эмчилгээ 5, нэмэлтээр 40 ор дэлгэн нийт 120 ортойгоор үйл ажиллагаа явуулж байгаа. Цаашид шаардлагатай тохиолдолд дэлгэх 20 ор нөөцөд бий. Үүсээд байгаа нөхцөл байдлын үүднээс тайлбарлавал, энэ яригдаж буй ор нь хүүхдийн тасгийн эрчимтийн дараах өрөөнд тавигдсан нөөц ор юм. Анх 1978 онд Швейцар улсаас зориулалтын дагуу захиалж авчруулсан, ХУД-ийн нэгдсэн эмнэлгээс хүсэлт тавьж шилжүүлж авсан ор. Тухайн хүний фэйсбүүк дээрээ бичсэн шиг чанарын шаардлага хангахгүй, банзан орон дээр хүүхэд хэвтүүлж байна гэсэн мэдээлэл нь ор үндэсгүй юм.

Тухайн ор нь хүүхэд унаж бэртэхээс сэргийлсэн хаалттай, дээшээ өндийж суухад зориулсан түшлэгтэй учраас тус өрөөнд хэвтэн эмчлүүлж буй хүүхдүүдийн эцэг эх, асран хамгаалагч нь эргэлт авах, бие засах зэргээр ойрхон гарахдаа хүүхдээ түр тавих байдлаар ашиглаж байгаа. ЧДЭМТ-ийн хүүхдийн тасагт тухайн иргэний Фейсбүүктээ оруулсан шиг нөөц ор эрчимтийн дараах өрөө болон хүүхдийн эрчимтийн өрөөнд нийт 3 ширхэг ашиглагдаж байна. Одоогийн байдлаар, нэмэлтээр ор байршуулсантай холбогдуулан орны ачаалал хэвийн байгаа учраас тухайн орыг ашиглахгүй байгаа. Орны ачаалал нэмэгдэж, тухайн орон дээр хүүхэд авах шаардлагатай болсон тохиолдолд зориулалтын гудас, даавуу тавьж өгдөг. Харин уг пост мэдээллийг тараасан иргэн хэдийгээр өөр өрөөнд хүүхэдтэйгээ хамт хэвтэн эмчлүүлж байгаа боловч тухайн өдөр зориуд энэ өрөөнд орж төмөр орны хаалтыг буулган, матрасыг нь хуулж байж авсан зургаа цахим сүлжээгээр тараасан болохоо хүлээн зөвшөөрсөн. Гудас дэвсгэргүй ийм орон дээр хүүхэд хэвтүүлсэн бол ингэж шүүмжлэх нь зөв. Гэтэл өвчтөний ор хүрэлцээтэй байгаа энэ үед ашиглагдахгүй байгаа нөөц орны зургийг аваад буруу ташаа мэдээлэл тараасан нь үнэхээр харамсалтай юм” хэмээн ярилаа.

Үүний дараа тус постыг оруулсан хүүхдийн тасгийн 3 дугаар өрөөнд хэвтэж байгаа Дарамзагд хүүгийн ээж Батцэцэгээс тодруулахад “Би эмч, эмнэлгийн ажилчдад хандаж тийм пост оруулаагүй. Тэдний буруу байхгүй, харин ч бүхий л хүчин чадлаараа ажиллаж байгаа тэднийг би биширч байна. Би хүүхэдтэйгээ хамт “Гурван гал” эмнэлэгт хэвтэж байгаад гарсан. Тэндхийн орчин нөхцөл сайн боловч эмчилгээ нь улсын эмнэлгийг гүйцэхгүй, хаана нь ч хүрэхгүй байсан. Харин энд хэвтэхдээ тус эмнэлгийн орны зохицуулалтыг мэдэхгүй, нөөц орыг хараад төрсөн сэтгэгдлээр асуудалд хандсан байна” хэмээсэн юм.

Ийнхүү нөхцөл байдлыг илтэд буруугаар ойлгуулж, олон нийтэд ташаа мэдээлэл хүргэсэн уг асуудлын хүрээнд тус эмнэлгийнхэн хууль хяналтын байгууллагад хандсан гэдгээ албан ёсоор мэдэгдлээ.

Энэ мэдээнд өгөх таны сэтгэгдэл?
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-11-20 110.175.196.101

Тэгээд 1978 оноос хойш 40 жил энэ орыг ашиглажээ гэж ойлгоё. Гэтэл энэ чинь одоо элэгдээд дуусчихсан ашиглалтын шаардлага хангахгүй болчихсон байгаа юм бишүү. 40 жилийн хугацаанд барилага хүртэл элэгдээд засвар үйлчилгээнд ороод явдаг биздээ. Үгүй юмуу. Өөрсдөө болхоороо 2000 оноос хойших машин унаад яваа мөртлөө хүүхдийн эмнэлгийн орыг 40 жил хэрэглэнэ гэдэг чинь юу гэсэн үг болоод байнаа

Avatar

ор 2018-11-20 180.149.96.90

ор болно. дарга тэр кккк

Avatar

Зочин 2018-11-20 66.181.164.222

ХААНА Ч ЯВСАН ДАНДАА ӨӨ ХАЙЖ СКАНДАЛ ҮҮСГЭЖ ЯВДАГ БАЛАЙ АВГАЙЧУУД ИХ БАЙДАГ ШҮҮ.

Avatar

Зочин 2018-11-20 202.21.106.155

Хаа явсан газраа хов базаж явах юм даа. Сэтгэц мэтгэцээ хянаж байлдаа. Мэргэшсэн хов базагч гэдэг цол өгдөг төрийн бус байгууллага байдаг бол өгөөрэй.

Avatar

Монгол 2018-11-20 66.181.160.109

Солиотой авгайд таарсан шийтгэл байна.

Avatar

Монгол 2018-11-20 66.181.160.109

Солиотой авгайд таарсан шийтгэл байна.

NewsMN Гар утасны хувилбар Татах
NEWS.mn

Мэдээллийн эх сурвалж