"Очир төв"-д амиа алдсан, 13 настай охины хэргийг шүүх хурал маргааш /2018.11.21/ Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны шүүхэд 10.00 цагт болно. Шүүх хуралд Монголын эмэгтэйчүүдийн холбооны төлөөлөл байр сууриа илэрхийлэхээ мэдэгдлээ.

Өнгөрсөн оны наймдугаар сард болсон уг хэрэгт Д.Жавхлан, М.Амарболд нарыг сэжиглэн шалгаж байгаа. Анхан шатны шүүх хурал өнгөрсөн зургадугаар сард болж, хэргийг прокурорт буцаасан юм. Харин энэ сарын 7-нд Баянзүрх дүүргийн Эрүүгийн хэргийн анхан шатны шүүх яллагдагч Д.Жавхлан, М.Амарболд нарт холбогдох эрүүгийн хэргийн урьдчилсан хэлэлцүүлгийн хуралдаанаар яллагдагч нарын өмгөөлөгчдийн хүсэлтийн дагуу тэдний хэргийг шүүхэд шилжүүлж, шүүх хуралдааныг энэ сарын 21-ний 10.00 цагт хийхээр товлосон юм.