Төв аймгийн ургацын баярт зориулсан “Манлайн баясгалан” улс, аймгийн алдар цолтой бөхийн барилдаан Төв аймгийн Зуунмод хотод өнгөрөгч долоо хоногт боллоо. Барилдаанд улсын арслан П.Бүрэнтөгс, улсын арслан Э.Оюунболд, улсын харцага Н.Батзаяа нараар магнайлуулсан хүчит 64 бөх зодоглов.

“Манлайн баясгалан” барилдаанд улсын арслан Э.Оюунболд түрүүлж, улсын арслан П.Бүрэнтөгс үзүүрлэв. Шөвгийн дөрөвт улсын харцага Б.Бат-Өлзий, улсын начин Б.Серик нар үлджээ. 

Дашрамд дурдахад, Бүгд Найрамдах улсаа тунхагласны 94 жилийн ойд зориулсан улс, аймгийн алдар цолтой 128 бөхийн барилдаанд арваннэгдүгээр сарын 26-ны өдөр Спортын өдөр болохоор болжээ.