“Авьяаслаг Монголчууд" шоуны шинэ улирлын дугаарууд өнгөрсөн есдүгээр сараас эхэлж үзэгч олонд хүрсэн. Монгол Улсын өнцөг булан бүрээс өөрийн авьяас чадвараа нээн харуулах  хүсэлтэй хүн бүхэн тус шоуг зорьж ирсэн нь эргэлзээгүй. Долоо хоногийн Ням гариг бүр үзэгчдэд хүрч буй тус шоуны шилдэг 32 оролцогч тодорсон билээ. Тэгвэл өчигдөр /2018.11.18/ болсон хагас шигшээ тоглолтод нийт долоон оролцогч өөрсдийн бэлтгэсэн үзүүлбэрээ үзүүлэв.

Үзэгчдийн саналаар илбэчин С.Билэгт, хөгжмийн багш Д.Бердибек, оюун ухааны спортоор хичээллэгч С.Марал нар шилдэг гуравт шалгарсан. Харин үзэгчдээс хамгийн өндөр саналыг илбэчин С.Билэгт авч, финалын шатанд шууд оролцох эрхтэй болсон бол үлдсэн хоёр оролцогчоос шүүгчдийн саналаар нэг оролцогч цааш явах ёстой байв. Хоёр оролцогчоос шүүгч П.Анужин, С.Ундармаа нар хөгжмийн багш Д.Бердибекид саналаа өгсөн бол шүүгч Г.Ариунбаатар болон Рокит Бэй нар "Энэ бол тархи, зүрх хоёрын тулаан болж байна. Тархи ялах уу, зүрх ялах уу гэдгийг сонгох гэж байна. Хоёулаа чухал ч гэлээ би энэ удаад тархийг сонголоо" гэж хэлээд, оюун ухааны спортоор хичээллэдэг С.Маралд саналаа өгснөөр шүүгчдийн санал тэнцсэн.  Ингээд нэвтрүүлгийн дүрмийн дагуу үзэгчийн саналыг харгалзаж, хамгийн өндөр санал авсан нэг оролцогчоор хөгжмийн багш Д.Бердибекид     финалын шатанд орсон юм.

Эргэн сануулахад, хагас  шигшээ тоглолтод шалгарсан 32 оролцогч найм наймаараа хуваагдан өрсөлддөг дүрэмтэй бөгөөд энэ шатанд үзэгчдийн санал хамгийн чухал. Үзэгчдээс өндөр оноо авсан гурван оролцогчоос хамгийн их санал авсан нэг оролцогч дараагийн шатанд шууд шалгарч, үлдсэн хоёр оролцогчоос шүүгчийн саналаар нэг оролцогч нь дараагийн шатанд тунаж үлдэх юм.

Э.БУРАМ