Шинжлэх ухаан, техник технологи асар хурдацтай хөгжиж байгаа өнөө үед гар утас болон бусад төхөөрөмжийн ашиглан хүн төрөлхтөн мэдээ, мэдээлэл, аливаа байгууллагын үйлчилгээ зэрэг мэдээлэл холбооны өндөр хурдны үйлчилгээг шуурхай хүлээн авч байна.

Дэлхий дээр өнөөдөр 5.1 тэрбум хүн гар утас идэвхтэй ашиглаж байгаа бөгөөд үүний 3.8 сая нь Монголчууд гэж бүртгэгджээ. Хүн амын тооноос их гар утас бүртгэгдэж байгаа нь иргэд хэд хэдэн үүрэн телефоны операторын хэрэглэгч байгаатай холбоотой юм байна. Энэ тоо өдөр ирэх тусам өсч, 2025 он гэхэд дэлхийн хүн амын 72 хувь нь гар утасны хэрэглэгч болно гэсэн судалгаа бий. Мөн манай орны хувьд ч гар утас хэрэглээний тоо буурахгүй гэжээ.

Гэхдээ үүнийгээ дагаад цахилгаан соронзон долгион хүний эрүүл мэндэд сөрөг нөлөөлтэй гэсэн хардлагууд байдаг. Тэгвэл та бидний үнэнч туслах, анд нөхөр болсон цахилгаан соронзон долгион хүний эрүүл мэндэд сөрөг нөлөөтэй эсэх талаарх бэлтгэсэн сонирхолтой бичлэгийг хүргэж байна.