Ажлын байранд архидан согтуурсан шүүгчийг огцруулжээ | News.MN

Ажлын байранд архидан согтуурсан шүүгчийг огцруулжээ

Хуучирсан мэдээ: 2018.11.19-нд нийтлэгдсэн

Ажлын байранд архидан согтуурсан шүүгчийг огцруулжээ

Шүүхийн ерөнхий зөвлөлөөс сар бүр зохион байгуулдаг “Нээлттэй шүүх” хэвлэлийн хурал өнөөдөр /2018.11.19/ боллоо. Мэдээллийн эхэнд Шүүхийн ёс зүйн хорооны ажлын албаны дарга Н.Ганбаатар, хянан шалгагч Ж.Халиун нар “Шүүгчийн ёс зүй, хариуцлага” сэдвээр сэтгүүлчдэд мэдээлэл өглөө.


ДОЛООН ШҮҮГЧИЙГ АЖЛААС НЬ ХАЛАХ ШИЙДВЭР ГАРГАЖЭЭ

Хүлээн авсан гомдол, түүний шийдвэрлэлтэд шинжилгээ хийхэд нийт шүүгчийн 51 хувьд нь гомдол ирсэн байна. Өөрөөр хэлбэл, давхардсан тоогоор 1641 шүүгчид иргэдээс гомдол гаргажээ. Дээрх гаргасан гомдлын 713 буюу 56.6 хувьд сахилгын хэрэг үүсгэхээс татгалзаж, 156 буюу 10.0 хувьд сахилгын хэрэг үүсгэж, 69 шүүгчид буюу 44.2 хувьд сахилгын шийтгэл ногдуулсан байна.

Шүүхийн Ёс зүйн хороо 45 шүүгчийг сануулах, 17 шүүгчийн цалинг бууруулах,  долоон шүүгчийг ажлаас нь халах шийтгэл ногдуулсан байна.

Шүүхийн ёс зүйн хороонд ирүүлсэн гомдлын агуулгаар авч үзвэл 21 хувийг хууль зөрчиж шийдвэр гаргаж, хүний эрх зөрчсөн, 21 хувийг шүүхэд мэдүүлэх, хүсэлт гаргах, өмгөөлүүлэх, нотлох баримт гаргах, үнэлүүлэх, татгалзан гарах эрхээр хангаагүй, шүүх хуралдааны журам зөрчсөн, 19 хувийг мэдлэг чадвар муу, итгэл төрүүлээгүй, 14 хувийг хэргийг удаасан, шийдвэрийг хугацаанд нь гаргаагүй, хайнга, хоёр хувийг шүүгч бусад шүүгчдэд нөлөөлсөн, хоёр хувийг бусад гомдол эзэлжээ.


Хурлын үеэр Шүүхийн ёс зүйн хорооны ажлын албаны дарга Н.Ганбаатараас цөөн асуултад хариулт авлаа.

-Сүүлийн таван жилийн байдлаар долоон шүүгчид огцруулах шийтгэл оногдуулжээ. Энэ талаар дэлгэрэнгүй мэдээлэл өгөхгүй юу?

-Долоон шүүгчид огцруулах сахилгын шийтгэл хүлээлгэснээс хоёр нь сахилгын шийтгэлийг хүчин төгөлдөр хүлээсэн. Тухайлбал, ажлын байранд согтуурч хэргийг удаа дараалан үндэслэлгүйгээр хойшлуулсан гэсэн үндэслэлээр нэг шүүгчийг мөн шүүх хуралдааны журам зөрчсөн гэсэн үндэслэлээр бас нэг шүүгчийг үүрэгт ажлаас нь чөлөөлсөн. Харин бусад шүүгчдийн хувьд ажлаас нь чөлөөлөх шийтгэлийг цалин бууруулах сахилгын шийтгэл болгон шийдвэрлэсэн.

-Огцорсон шүүгчид эргээд албан үүргээ гүйцэтгэх боломж байдаг уу?

Огцорсон  шүүгч эргэж шүүгчээр ажиллана гэсэн зохицуулалт байхгүй. Шүүхийн ёс зүйн хорооноос хүчин төгөлдөр шийдвэрээр 14 сахилгын шийтгэл хүлээлгэсэн нь бусад орнуудтай харьцуулбал их өндөр тоо. Жишээлбэл Канад улсад шүүхийн зөвлөл 1971 онд байгуулагдсан бөгөөд түүнээс хойш 15 шүүгчид олон нийтийн сонсох ажиллагааг явуулж сахилгын шийтгэл ногдуулах асуудлыг хэлэлцсэн байдаг.

 

Э.АРИУН 

Энэ мэдээнд өгөх таны сэтгэгдэл?
5
ЗөвЗөв
1
ХахаХаха
1
ТэнэглэлТэнэглэл
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-11-19 202.131.225.197

mongol goy doo

Avatar

Хууль, журам хууль, журам л байх ёстой 2018-11-19 66.181.160.11

Ажлын байрандаа архидсан хэнийг ч болов ажлаас нь хална гэх. Гэтэл нэгэн сумын 4 хүүхэн хурлын зааландаа архидаж гэнэ. Сум, аймаг даяараа асуудал дэгдэж гэтэл яасан гээч. Үйлчлэгчийн ажил хийж байсан 2-ыг ажлаас нь халаад нөгөө 2-ыг нь цалингийн хувиар торгоод өнгөрсөн. Энэ шударга явдал уу?

Avatar

Зочин 2018-11-19 202.9.42.149

Монголчууд төлөвшөх болоогүй байна ахиад 20-жил хэрэгтэй байна

Avatar

Зочин 2018-11-19 202.9.41.145

СӨХ-ийн төлбөрөө /лифть, цахилгаан, хог, цэвэрлэгээ, харуул/ төлүүлэх гээд шүүхэд хандахад төлөөгүйн зөв давж заалдах эрхгүй гэсэн шүүхийн шийдьэр гарсан байх юм. Ийм шүүхийн шийдвэр, шүүгчийг яах ёстой вэ.

Avatar

111111 2018-11-19 203.91.119.163

Сүүлийн таван жилд 7 шүүгч, тэрнээс 2 нь халагдаж бусад нь цалин бууруулсан сахилгын шийтгэл оноосон байх юм. Гэтэл бид сүүлийн 5 жилийн дотор хэдэн ЗГ тэргүүнийг сольсон бэ? Хэдэн гишүүн огцорсон бас Ерөнхийлөгч солигдов. Найдвартай ажлын абйр байна шүү … Манай шүүгч нар сайн л даа гээд хэлчих хүн байна уу?

Avatar

Зочин 2018-11-19 202.126.89.202

Монголд бол хэт цөөн шүүгчид хариуцлага тооцжээ.Канад зэрэг оронд бол шүүгчид ёс зүйтэй байгаа гэдэгт итгэж байна.Манай шүүгч нар шиг албан тушаалаа баяжих,хуйвалдах,тушаал дэвших хэрэгсэл болгодог явдал бусад оронд ховор байх.Мөн зүйрлэх юмаа олов оо

Avatar

mgl 2018-11-19 202.179.11.230

Mongold shudarga yos togtohgui baigaagiin neg shaltgaan ni shuuh mash bohir baigaad orshino.

Avatar

шударга шүүх хэрэгтэй 2018-11-19 202.72.245.122

Шүүхийн ёс зүйн хорооноос хүчин төгөлдөр шийдвэрээр 14 сахилгын шийтгэл хүлээлгэсэн нь бусад орнуудтай харьцуулбал их өндөр тоо. Жишээлбэл Канад улсад шүүхийн зөвлөл 1971 онд байгуулагдсан бөгөөд түүнээс хойш 15 шүүгчид олон нийтийн сонсох ажиллагааг явуулж сахилгын шийтгэл ногдуулах асуудлыг хэлэлцсэн байдаг. Харьцуулах жишээгээ мөн олов оо, Канадад шударга шүүх, манайд мөнгөний төлөө шүүх байдагт л ялгаа нь байгааг мэдэхгүй л гэж мэлзэх байх даа.

Avatar

Зочин 2018-11-19 202.55.191.130

харин манайд ёс зүйгүй шүүгчид дэндүү олон байдгаа гэдгийг хэлээд байгаа юм бишүү

Avatar

zochin 2018-11-19 122.201.23.83

Үнэхээр арга хэмжээ авсан юм бол олон нийтэд нэр устай нь танилцуулах ёстой ш дээ. Худлаа нэх ажил хийсэн дүр үзүүлээд

Avatar

Зочин 2018-11-19 202.55.191.130

mm

Avatar

ЖДҮ-ЧИН 500.000.000-н ТӨБЗГ НЯМ-ОСОРЫГ ОГЦРУУЛ 2018-11-19 64.119.24.94

Ерөнхий сайд У.Хүрэлсүх ЖДҮСангаас албан тушаалаа урвуулан ашиглаж хувийн Хос эрхэс компанидаа 500.000.000 авч Ард түмнийхээ боломжыг хулгайлсан ТӨБЗГ-ын дарга Ц.Ням-Осорыг огцруул.

Avatar

Зочин 2018-11-19 66.181.161.93

Хуучин явж байсан машин зах дээр 8сая төгрөг аваарт ороод гипер н хагараад тохирч болохгүй байсан шүүг надад гиперний төлбөр 7сая төгрөг тавьсан ёстой хогын шаар адгын хогын амьтад байдаг юм билээ юун шүүх шударга жинхэнэ шулаач улаан цайм шүүхийн нэр барьж дээрэм хийдэг бүтэхгүй гарууд шүү

NewsMN Гар утасны хувилбар Татах
NEWS.mn

Мэдээллийн эх сурвалж