БНХАУ-ын Шиамень хотод болж буй 3х3 сагсан бөмбөгийн оюутны дэлхийн лигийн финалын тэмцээн өнөөдөр /2018.11.18/ өндөрлөнө.

Монгол Улсын баг "А" хэсгээс хоёрдугаар байраар шалгарч, Туркийн багийг 21:20-оор хожсоноор шилдэг наймд үлдээд байсан юм.

Тэд өнөөдөр БНХАУ-ын багтай тоглолж, харамсалтай нь, 21:8 харьцаатай ялагдал хүлээлээ.

Монгол Улсын баг 3х3 сагсан бөмбөгийн оюутны дэлхийн лигийн тэмцээнд оролцсон хамгийн залуу баг байсан юм.

Ирээдүй болон гялалзаж буй U18-ийнхаа шигшээ багт Дэлхийн оюутны аваргын шилдэг наймд шалгарсанд баяр хүргэе!

А.АНИР