Соёлын төв өргөөг “Хангарди” одонгоор шагналаа | News.MN

Соёлын төв өргөөг “Хангарди” одонгоор шагналаа

Соёлын төв өргөөг “Хангарди” одонгоор шагналаа

Соёлын төв өргөөг “Хангарди” одонгоор шагналаа

Энэ жил нийслэлийн Соёлын төв өргөө үүсч байгуулагдсаны 30 жилийн ой тохиож байна. Ойг тохиолдуулан нийслэлийн ИТХ-ын Тэргүүлэгчдийн тогтоолоор соёл урлаг, шинжлэх ухаан, эдийн засаг, нийгмийн олон талт арга хэмжээг зохион байгуулах, түгээн дэлгэрүүлэх үйлсэд оруулсан хувь нэмрийг үнэлж Нийслэлийн дээд шагнал “Хангарди” одонгоор шагналаа.

Шагналыг “Соёлын төв өргөө-30 жил” хүндэтгэлийн Гала тоглолтын үеэр НИТХ-ын дарга С.Амарсайхан гардуулав.

Тэрбээр хэлэхдээ “Энэ байгууллагын 30 жилийн түүх гэдэг бол монгол түмний соёл иргэншил, хөгжил дэвшлийн түүх юм. Аливаа улс орны оршин тогтнох үндэс нь хэл, түүх, соёл байдаг. Монгол түмний оршин тогтнох, ирээдүйн хөгжил дэвшлийн үндэс суурь нь энэ аугаа тайзнаас Монголын тал нутаг даяар цуурайтаж, эх орны минь өнцөг булан бүрт энэ тайзнаас төрөн гарсан үе үеийн урлаг соёлын нэрт зүтгэлтнүүд уран бүтээлийн их түүхийг түгээсээр ирсэн ариун газар билээ. Соёлын төв өргөө анх социализмын үед ЗХУ-ын ард түмний найрсаг сэтгэлийн хандиваар бүтсэн түүхтэй. Өдгөө 1988 оноос хойш энэ байгууллагын үйл ажиллагааг амжилттай авч яваа нийт ажилтан алба хаагч, үе үеийн ахмад зүтгэлтнүүд соёл урлагийн ажилтнууддаа нийслэлчүүдийнхээ өмнөөс талархал илэрхийлж, ажил үйлсэд нь амжилт, амьдралд нь хамгийн сайн сайхныг хүсэн ерөөе” гэлээ.

Ойг тохиолдуулан тус байгууллагын зүгээс төрөөс баримталж буй соёлын бодлогыг хэрэгжүүлэх, үйлчилгээний хүртээмжийг нэмэгдүүлэн, иргэдийн соёлын боловсролыг дээшлүүлж, хотын соёлыг төлөвшүүлэх зорилтын дор дэмжигч, түншлэгч байгууллагууд, үзэгчиддээ зориулан урлаг соёлын цогц үйл ажиллагааг зохион байгуулж байна.

"Болор дуран"-аар шалгав.
Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

зочин 2018-11-17 59.153.112.103

Энэ дурацкий одон медалиа боливол таарна

Зочин 2018-11-17 182.160.35.24

Энэ нөхөр ЖДҮ -ийн мөнгийг луйвардчихаад байшинд одон гардуулж тэнэгтэв.

шоогоо 2018-11-17 66.181.160.96

хахахаха. байгууллага шагнаад байгаа юм уу. одонгоо мялааж найрлах байх даа

зочин 2018-11-17 103.57.93.175

арай л мунхаг биш үү,байшинг шагнаад бна уу

NewsMN Гар утасны хувилбар Татах
NEWS.mn

Мэдээллийн эх сурвалж