Балетчин бүсгүйн цогцсыг нуураас олжээ | News.MN

Балетчин бүсгүйн цогцсыг нуураас олжээ

Балетчин бүсгүйн цогцсыг нуураас олжээ

Балетчин бүсгүйн цогцсыг нуураас олжээ

АНУ-ын гэгээн Луисын балетын агентлагийн бүжигчин, 23 настай Мариа Строик гэх бүсгүй Мягмар гарагт /2018.11.13/ сураггүй алга болсон бөгөөд өчигдөр түүний цогцсыг Миссури нуурын эргээс олжээ.

Түүнийг алга болсноос хойш эрлийн багийнхан, гэр бүл, найз нөхөд зэрэг 100 гаруй хүмүүс хайж байсан. Харин бүжигчний цогцос олдсон газар нь Сант Луис хотоос 160 гаруй километрийн зайд байрлах Марк Твений цэцэрлэгт хүрээлэн байсан юм. Гэрээсээ ийм хол газар хэнд ч хэлэлгүйгээр яваад, нууцлаг байдлаар нас барсан нь хачирхалтай хэвээр байгаа бөгөөд цогцсын задлан шинжилгээний хариу хараахан гараагүй байгаа аж.

Мариа Строикийн машиныг Мягмар гарагт тус цэцэрлэгт хүрээлэнгээс олсон боловч мөрдөгчдийн хэлснээр машин нь Даваа гаригаас хойш энд байгаа юм. Түүнийг хамгийн сүүлд Даваа гаригт Сант Луис хотын хүнсний дэлгүүрт хэн нэгэн харсан байна.

Мариа Строик нь гэгээн Луигийн балетын агентлагт өнгөрсөн жилээс ажиллаж эхэлсэн бөгөөд Үнсгэлжин, Жизель, Цөмөөхэй, Ла Вие зэрэг бүжгэн жүжигт тоглож байв. Түүнчлэн ажлынхаа хажуугаар залуучуудын бүжгийн академид балетын хичээл заадаг байжээ.  “Тэр гайхалтай мэдрэмжтэй, чадварлаг бүжигчин байсан. Гэр бүлд нь эмгэнэл илэрхийлье” хэмээн балетын агентлагийнх нь захирал хэлсэн байна.

Мэргэжлийн балетын бүжигчин болох, тэр дундаа нэр хүндтэй агентлагуудтай гэрээ байгуулан, ажилд орох амаргүй даваа байдаг. Мөн бүжигчдийн дунд гол дүрийн төлөөх өрсөлдөөн ширүүн өрнөдөг, олон цагаар бэлтгэл хийдэг зэргээс үүдэлтэйгээр сэтгэл санааны дарамтад орох нь элбэг байдаг. Тиймээс ч балет нь харьцангуй хатуу урлагийн төрөлд тооцогддог байна.

 Эх сурвалж: CNN

"Болор дуран"-аар шалгав.
Энэ мэдээнд өгөх таны сэтгэгдэл?
9
ХарамсалтайХарамсалтай
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Irgen 2018-11-16 202.9.41.8

ANU-d neg baletchih uheel biz, delhiid heden zugaaraa hun uhej bna! Kim Kardashian idej uusan umssun zuusen delhiid tiim sonirholtoi l bdag bhdaa

Avatar

Зочин 2018-11-16 153.249.89.31

saint louis gedgiig gegeen lui gj orchuulaad bgamu. yag ene jishgeeree New Yorkiig shine York, Los Angeles-g Sahiusan tengeruudiin hot, Tokyog Zuun niislel ntr gd orchuulah ymu setguulchee. Angliar Ulaanbaatariig Red hero gsn bhiig harsan u?

Avatar

St.Louis, Missouri 2018-11-16 202.55.184.18

bas Missouri nuur uu, kk? Golshu de... Shuud Google translate hereglesen baina...

Avatar

Зочин 2018-11-16 202.179.27.66

hugshuun goliin eh tal ruugaa urgun hesgiig ni tegj nerledgiin and ni ten bsoooooooon

NewsMN Гар утасны хувилбар Татах
NEWS.mn

Мэдээллийн эх сурвалж