Хойд Америкийн Үндэсний Сагсан Бөмбөг (НБА)-н улирлын тоглолтууд үргэлжилж байна. Өчигдөр Лос-Анжелес Лейкер баг талбайдаа Портлэнд Трэйл Блэйзерс багийг хүлээн авч 126-117 харьцаагаар хожиж улирлын 8 дахь, сүүлийн 4 тоглолт дараалан хожил авсан. Тус тоглолтонд энэ жилээс Лос-Анжелес Лейкерс багт хүчин зүтгэж буй “Хаан” Л.Жеймс талбайд дээр 36 минутыг өнгөрүүлэхдээ 44 оноо, 10 самбар, 9 дамжуулалт, 1 бөмбөг таслалт, 3 хаалт хийсэн. Эдгээр үзүүлэлтээс илүүтэй түүний авсан 44 оноо нь Л.Жеймсийг НБА-ын бүх цаг үеийн оноо авалтаар 5-д орох амжилт болсон юм.

Тус тоглолтонд 44 оноо авсан нь Л.Жеймсийн НБА дэх 31425 дахь оноо болсон. Энэ амжилтаараа НБА-н домогт тоглогч У.Чемберлайны 31419 оноог давж бүх цаг үеийн онооны лидерийн жагсаалтын 5-д орж ирсэн.

Ийнхүү Л.Жеймс өчигдрийн Портлэнд Трэйл Блэйзерс багийн эсрэг түүхэн амжилтаа ахиулж чадсан байна. Одоо түүний өмнө К.Абдул-Жаббар, К.Мэлоун, К.Брайнт болон М.Жордан нар бичигдэж байгаа.

НБА-Н БҮХ ЦАГ ҮЕИЙН ОНООНЫ ЛИДЕР ТОП-10 ТОГЛОГЧ

1. Карим Абдул-Жаббар – 38387 оноо
2. Карл Мэлоун – 36928 оноо
3. Кобе Брайнт – 33643 оноо
4. Майкл Жордан – 32292 оноо
5. ЛеБрон Жеймс – 31425 оноо
6. Уилт Чемберлайн – 31419 оноо
7. Дирк Новицки – 31187 оноо
8. Шакил О’Нейл – 28596 оноо
9. Мосес Мэлоун – 27409 оноо
10. Элвин Хэйс – 27313 оноо

НБА-Д ОДОО ТОГЛОЖ БУЙ ОНООНЫ ЛИДЕР ТОП-10 ТОГЛОГЧ

1. ЛеБрон Жеймс – 31425 оноо
2. Дирк Новицки – 31187 оноо
3. Кармело Энтони – 25551 оноо
4. Винсе Картер – 24967 оноо
5. Дуэйн Уэйд – 22211 оноо
6. Кевин Дюрант – 21325 оноо
7. Пау Газол – 20837 оноо
8. Жо Жонсон – 20405 оноо
9. Тони Паркер – 19081 оноо
10. Жамал Крауфорд – 18962 оноо

Б.БЯМБАБАЯР