Швед улсад болсон пауэрлифтингийн насанд хүрэгчдийн Дэлхийн аварга шалгаруулах тэмцээнд 60 орны 400 гаруй тамирчин өрсөлджээ. Монгол Улсаас Д.Түмэнжаргал, Ш.Чанарав нар алт, мөнгөн медаль хүртсэн байна.

Эрэгтэйчүүдийн 105 кг-д Д.Түмэнжаргал аваргын алтан медалийг хүртжээ. Мөн 120 кг-ын жинд ОУХМ Ш.Чанарав цээж шахалтын төрөлд 315 кг-ыг шахаж, мөнгөн медалийн эзэн болжээ. Монголын зургаан тамирчин оролцсоноос хоёр тамирчин медаль хүртсэн талаар өнөөдөр мэдээллээ.