ЖДҮХС-гийн авдрыг хариуцсан эзэд шалгуулж байна | News.MN

ЖДҮХС-гийн авдрыг хариуцсан эзэд шалгуулж байна

ЖДҮХС-гийн авдрыг хариуцсан эзэд шалгуулж байна

ЖДҮХС-гийн авдрыг хариуцсан эзэд шалгуулж байна

“News” агентлаг долоо хоног бүрийн Пүрэв гаригт “Яам агентлагаар сонин юутай вэ” буланг бэлтгэн хүргэдэг билээ. Энэ удаагийн дугаарт Хүнс хөдөө аж ахуй хөнгөн үйлдвэрийн яамны харьяа Жижиг дунд үйлдвэрийг хөгжүүлэх санг онцолж байна. 

Жижиг, дунд үйлдвэрийг хөгжүүлэх сан /ЖДҮХС/ нь жижиг, дунд үйлдвэр эрхлэгчдэд шаардлагатай санхүүгийн эх үүсвэрийг төвлөрүүлж, зээл олгож, жижиг, дунд үйлдвэрийн эзлэх байр суурийг бэхжүүлэх, ажлын байрыг нэмэгдүүлэх зорилготой сан юм. Тэгвэл 2018 онд тус сангаас 97,7 тэрбум төгрөгийн зээлийг баялаг бүтээгчдэд олгохоор төсөвлөсөн. Үүний 70,5 тэрбум төгрөгийг улсын төсвөөс санхүүжүүлэх бол 27,2 тэрбум төгрөгийг сангийн өөрийн орлого буюу зээлийн эргэн төлөлтөөр нөхсөн юм.

Гэтэл энэ мөнгийг эрх баригчид хуваагаад авчихсан нь илэрч, эхнээсээ хариуцлага хүлээгээд эхэлсэн. Тухайлбал, Хүнс, хөдөө аж ахуй, хөнгөн үйлдвэрийн сайд Б.Батзориг зээл олгох тушаалд гарын үсэг зурсан тул сайдын ажлаа өөрийн хүсэлтээр өгөв. Дараа нь түүний УИХ-ын гишүүний бүрэн эрхийг түдгэлзүүлж байгаад шалгах хүсэлтийг прокурор гаргасан ч гишүүд дэмжээгүй юм.

Алдар цуутай зээлийн асуудлаар ХХААХҮЯ-ны Төрийн нарийн бичгийн даргын үүрэг гүйцэтгэгч Д.Энхбат, ЖДҮХС-гийн захирал С.Төгсбилэг, түүний туслах болон тус сангийн ерөнхий нягтлан нарыг эрх мэдэл, албан тушаалаа урвуулан ашиглаж, бусдад давуу байдал олгосон байж болзошгүй гэх үндэслэлээр саатуулсан билээ. Одоогоор тэднийг 30 хоног хорих  шийдвэр гараад байгаа юм. Үүний дараа тус сангийн орлогч дарга Б болон тус сангийн ажилтан Н нарыг "Чингис хаан" нисэх онгоцны буудал дээрээс саатуулсан байна. Тэд Турк улсад албан ажлаар яваад эх орондоо газардахад нь ийнхүү саатуулсан байна. Үүнээс гадна энэ сангийн 20 ажилтныг АТГ-аас хүсэлтээр хилээр гарахыг нь хоригложээ.

Сайдынхаа тушаалыг биелүүлж, зээл олгосон ажилтнууд хоригдож байхад тушаал гаргасан сайд нь Төрийн ордонд тухалж суугаа нь иргэдэд таалагдаагүй юм. Ардын намынхан Б.Батзориг гишүүний бүрэн эрхийг түдгэлзүүлэхгүй авч үлдсэн нь шүүмжлэл дагуулсан. Харин эрхэм гишүүн өөрөө мөрдөн байцаалтын явцад хөндлөнгөөс нөлөөлөхгүй, дуудсан цагт нь очиж, байцаалт өгнө гэдгээ илэрхийлсэн билээ.

Т.НОМИН

 

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
2
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Их мэдэгч 2018-11-15 202.55.188.41

Монгол улсын хууль хэдэн зуун саяаас тэрбумаар нь хулгайлсан луйварчдад үйлчилдэггүй. Харин хөёрын хооронд 10-с 20 мянгыг \nхулгайлах юм бол шууд барьж аваад л хорьчихдог тэгээд хэрэг илрүүлсэн гэж маиай цагдаа шүүхийнхэн тайлангаа бичээд л илрүүлсэх хэргийнхээ тоогоор шагнал энэ тэр авсан шигээ л ажлаа хийсэн нэр зүүдэг болоод удаж байна даа. За тэгээд бүхэл бүтэн ашигт мөлтмөлын орд, УБ-н газрыг зарж хулгайлбал их хурлын гишүүн сайд дарга болоод л газар гишгэхээ болиод гарч өгнөө гэх ???

Avatar

эрд 2018-11-15 202.179.31.11

аливаа орны хөдөлгөгч хүч нь оюутан залуус бдаг.Бусад оронд авилгал хээл хахууль шудрага бусын эсрэг тэмцлийн хөдөлгөгч хүч нь мөн л оюутан залуус.Монголд оюутанууд архинд живээд амиа бодоод хэвтэж бх юм.ээ чааваас

Avatar

ЗАСГИЙН ГАЗАР ТӨБЗГ Ц.НЯМ-ОСОРЫГ ОГЦРУУЛ 2018-11-15 64.119.24.94

ЖДҮСангаас 750 саяыг авсан ерөнхий аудитор Д.Хүрэлбаатар огцорч өргөдлөө өгч байна. ЖДҮСангаас 500 саяыг хувийн компанидаа авсан ТӨБЗГ-ын дарга Ц. .Ням-Осор, 900 саяыг авсан дэд сайд Лхамсүрэн нарт Засгийн газар хариуцлага тооцож огцруул.

Avatar

Зочин 2018-11-15 66.181.160.47

Содбаатар дээр яагаад амаа үдүүлж нүдээ анисныг донгио хүрэлсүхээс асуумаар байх юм

Avatar

энэ үнэн үү 2018-11-15 202.72.245.122

Эрхэм гишүүд, сайд, дарга нарт Монголын хууль үйлчилдэггүй юм уу

Avatar

Зочин 2018-11-15 124.158.109.201

монгол улсын иргэнд хууль тэгш үйлчлэх ёстой биз дээ

Avatar

Зочин 2018-11-15 124.158.109.201

монгол улсын иргэнд хууль тэгш үйлчлэх ёстой биз дээ

Avatar

Зочин 2018-11-15 124.158.109.201

монгол улсын иргэнд хууль тэгш үйлчлэх ёстой биз дээ

NewsMN Гар утасны хувилбар Татах
NEWS.mn

Мэдээллийн эх сурвалж