Х.Баделхан: Энэ онд 10 мянган айл ипотекийн зээлд хамрагдана | News.MN

Х.Баделхан: Энэ онд 10 мянган айл ипотекийн зээлд хамрагдана

Х.Баделхан: Энэ онд 10 мянган айл ипотекийн зээлд хамрагдана

Х.Баделхан: Энэ онд 10 мянган айл ипотекийн зээлд хамрагдана

Эдийн засгийн байнгын хороо хуралдав. Хуралдаанаар “Ипотекийн зээл олголтын байдал, цаашид авах арга хэмжээний талаарх” Барилга, хот байгуулалтын сайдын мэдээллийг сонслоо.


Барилга, хот байгуулалтын сайд Х.Баделхан:

-Ипотекийн журмаар орон сууцны зээлийг 2008 оноос олгож эхэлсэн. Өнгөрсөн 2008-2012 онд 42600 орчим айл орон сууцны зээлд хамрагдсан. 2013-2016 онд 26 мянган айл зээлд хамрагдсан. Ингээд 2016 оноос ОУВС-гийн хөтөлбөрт хамрагдсан тул ипотекийн зээлийн хэмжээ буурсан. Валютын сангаас тавьсан шаардлагын дагуу 2019 оны нэгдүгээр сарын 1-нээс Монголбанк биш Засгийн газар энэ зээлийг авч явах ёстой гэсэн шаардлага тавигдаж байгаа. 2017 онд 10 мянган айл зээлд хамрагдсан. 2017 оноос төсөвт хөрөнгө суулгаад 110 тэрбум төгрөг суулгаж байсан бол энэ онд 120 тэрбум төгрөг төсөвт суусан. Өнөөдрийн байдлаар гурван эх үүсвэрээс зээл олгож байгаа. Үүнд, эргэн төлөлт, Монголбанкнаас гаргадаг, арилжааны банк санхүүжүүлж байна. Арилжааны банк энэ онд 248 тэрбум төгрөг гаргаж, 3798 айл зээлд олгосон. Монголбанк болон улсын төсвөөс 236 тэрбум төгрөгөөр санхүүжүүлж 3578 айлд зээл олгосон. Ингээд энэ онд нийт 484 тэрбум төгрөг зарцуулж, 7383 айл зээлд хамрагдсан. Оны эцэст 10 мянган айл зээлд хамрагдана гэж тооцож байна.

Ийнхүү мэдээлэл хийсний дараа Монголбанкны Тэргүүн дэд ерөнхийлөгч Б.Лхагвасүрэн “Ипотекийн зээлийг Монголбанк хариуцаж байсныг Засгийн газарт хариуцуулах шийдвэрийг Валютын сан гаргасан. Ингэхийн тулд Монголбанкнаас гаргасан хөрөнгө оруулалтыг Засгийн газар төлөх ёстой болно. Одоогоор Засгийн газарт тийм боломж байхгүй гэдгийг онцолсон юм.

Мөн тэрбээр өнгөрсөн жилүүдэд мөнгө хэвлэж ипотекийн зээлийг санхүүжүүлсэн нь эдийн засгийг хямраасан тул одоогийн хэрэгжүүлж байгаа бодлого хамгийн тохиромжтой гэдгийг онцлов.

Байнгын хорооны хуралдааны үеэр УИХ-ын гишүүн Б.Баттөмөр ипотекийн зээлийн хүү өндөр байна гэсэн бол УИХ-ын гишүүн Д.Эрдэнэбат зээл олголт тааруу байгааг шүүмжилсэн юм.

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2018-11-13 64.119.26.249

Barilgyn kompaniud bolon bankyg demjsen ene togtoltsoogoo uurchilmeer yum.

NewsMN Гар утасны хувилбар Татах
NEWS.mn

Мэдээллийн эх сурвалж