Сүхбаатар дүүргийн VIII хороо Хүмүүнлэгийн ухааны их сургуулийн (ХУИС) зүүн талд байрлах 3000 ам метр газрыг эзэмших гэрээг хотын даргын захирамжаар хүчингүй болголоо.

Тус газрыг “Эрэл” хариуцлагатай хувьцаат компани эзэмшдэг байсан бөгөөд, 1997 оноос хойш ашиглаагүй аж. Эзэмших гэрээнд зааснаар ямар нэгэн хүндэтгэх шалтгаангүйгээр хоёр жилээс дээш хугацаанд тухайн газрыг ашиглаагүй бол гэрээг цуцалдаг юм. Энэ журмын дагуу гэрээг цуцалж, газрыг хотын эзэмшилд авч байна. Мөн тус газарт бичил цэцэрлэгт хүрээлэн байгуулах аж. Цэцэрлэгт хүрээлэн байгуулах ажлыг 2019 оны III улиралд багтаан зохион байгуулах юм байна.