NBA-н 64 дэх удаагийн Бүх оддын тоглолт "Баролис" цэнгэлдэхэд хоёр дахь өдрөө үргэлжилж байна. Өнөөдөр болсон холын зайн шидэлтийн тэмцээнд Клей Томпсон, Жэймс Харден, Марко Белинилли, Кайл Корвер, Ж.Ж.Реддик, Уэсли Маттьюз, Стефен Карри, Кайри Ирвинг нар өрсөлдсөнөөс Стефен Карри түрүүллээ.

Шидэлтийн тэмцээнд Бошийн баг тэргүүллээ

Багийн тэмцээн буюу шидэлтийн тэмцээнд өнгөрсөн жилийн аварга баг Бошийн баг /Крис Бош, Доминик Вилкинс, Свин Кэш/, Карригийн баг /Стефен Карри, Делл Карри, Сью Бёрд/, Пол Милсапын баг /Пол Милсап, Скотти Пиппен, Елена Делен Донн/, Уэстбрүүкийн баг /Расселл Уэстбрүүк, Анферни Хардуэй, Тамика Кетчинс/ нар оролцож, Бошийн баг тэргүүлсэн байна.

Карригийн баг 47 секунтэнд, Пол Милсапын 51 секунтэнд амжиж дөрвөн байрлалаас оруулж хасагдсан байна. Харин дараагийн шатанд Бошийн баг  Уэстбуркын баг хоёр үлдэж оролцсон бөгөөд Бошийн баг 57 секунтэд амжиж оруулснаар тэргүүлсэн бол Уэстбуркын баг 1 минут 30 секунтэд төвийн шугамнаас оруулж чадалгүй цаг нь дуусжээ.

Зак Лавин Слам данкийн тэмцээний аварга боллоо

Слам данкийн тэмцээнд Зак Лавин /Миннесота Тимберволвс/, Яннис Антетокунбо /Милоуки Бакс/, Виктор Оладипо /Орландо Мэжик/, Месон Пламли /Брүүклинй Нетс/ нар орцолсон юм. Тоглогчдоос Зак Лавин эхний хоёр тохолтоор үзэгчдийг гайхашруулж, 100 оноо авсан бол Виктор Оладипо 89, Месон Пламли 76, Яннис Антетокунбо 65 оноог тус тус авч, шигшээд Лавин, Оладипо хоёр үлдэв. Харин үлдсэн хоёр тоглогчоос Лавин илүү байж, 94 оноог шүүгчдээс авч түрүүлсэн бол Виктор Оладипо 75 оноо авчээ.

Эх сурвалж: www.mminfo.mn