Иргэний мэдээллийн төвийн хүнд суртал иргэдийг "айлгаж" байна | News.MN

Иргэний мэдээллийн төвийн хүнд суртал иргэдийг "айлгаж" байна

Иргэний мэдээллийн төвийн хүнд суртал иргэдийг "айлгаж" байна

Иргэний мэдээллийн төвийн хүнд суртал иргэдийг "айлгаж" байна

Монгол Улсын иргэн бүрийн зорьж очиж, үйлчлүүлдэг газрын нэг яах аргагүй Улсын бүртгэлийн ерөнхий газар. Шинэхэн мэндэлсэн үрийнхээ төрсний гэрчилгээнээс эхлээд 16 насанд хүрсэн хүн бүр иргэний үнэмлэхээ авахаар өдөртөө олон арван иргэн УБЕГ-ын харьяа албадаар үйлчлүүлдэг. Үйлчлэгч олонтойдоо юм уу, эсвэл үйлчилж байгаа албан тушаалтан ажилдаа тэнцдэггүйтэй холбоотой юу, тус газрын хүнд суртлын талаар иргэдийн гомдол тасардаггүй. Хэдийгээр УБЕГ-ын ачааллыг багасгасан ч, ажилтнуудынх нь харилцааны соёл, хүнд суртал иргэдийг өнөө ч чирэгдүүлсээр.

Өнгөрсөн дөрөвдүгээр сарын 9-өөс УБЕГ-ын үйлчилгээний нэгдсэн байранд гадаад паспортын үйлчилгээ үзүүлэхээ больсон. Иргэд гадаад паспортаа төвийн зургаан дүүрэг, "Дүнжингарав", "Драгон", "Мишээл", 7-н буудлын "Оргил" худалдааны төвд байрлах Нийслэлийн үйлчилгээний нэгдсэн төвүүдийн Улсын бүртгэлийн хэлтэст харьяалал харгалзалгүй захиалж авах боломжтой болсон юм.

Гадаад паспортын үйлчилгээ тус байгууллагад нэлээд ажил нэмдэг, энэ үйлчилгээг хөнгөлснөөр ОӨУБЕГ-ын ачаалал хэр багассаныг сурвалжилсан юм.

Өдрийн 12.00 цагт УБЕГ-ын үйлчилгээний нэгдсэн төвд очлоо. Хоёрдугаар давхарт нь Иргэний бүртгэл мэдээллийн төв байрлана. Иргэний үнэмлэхээ алдсан, гээсэн, эсвэл иргэний үнэмлэхийнхээ хугацааг сунгахаар, мөн гэрлэлтээ батлуулахаар лавлагаа авах гэсэн 60 гаруй хүн хүлээж байлаа. Нэгэн үе сандал олдохгүй хэдэн хөгшчүүл газар явган суудаг байснаа бодвол үйлчлүүлж байгаа иргэдэд зориулж урт сандал үүдэн хэсэгтээ байрлуулжээ. Цааш орвол  ажилтнуудын өмнө уртаас урт дараалал үүсчээ.

Ажилчид иргэдэд зөвхөн дугаараар үйлчилнэ гэсэн болзлыг тавьдаг аж. Харамсалтай нь, 12.00 цагт очиход дугаар нь аль хэдийн дууссан байв. Үүнийг зарим хүн “хурган” бизнес болгоно. Овжин сэргэлэндээ ч юм уу ямартай ч дугаар дуусахаас урьтаж хэд, хэдийг халааслаад амждаг бүлэг хүн байна. Тэд дугаар олгож дууссаны дараа ирсэн хүмүүст “хөөрхөн” үнээр зарж орхино.

Энэ зуур “Лавлагаа авах гэж лав гурав хонолоо. Гэтэл бүтсэн юм алга. Хамаг ажил хойшлоод…” хэмээн нэгэн бүсгүй ууртайгаар өгүүлэв. Хажууд нь зогсох залуу залхсан шинжтэй байх агаад тэрбээр гэрлэлтээ бүртгүүлэх гэтэл эндээс лавлагаа авчир гэж тушааж.

Иргэд энд удаан хүлээсэндээ бараг л зодолдох нь холгүй байсан. Хэн нэгнийгээ элдвээр хэлэх, хараах, хэрэлдэх бол юу ч биш. Иргэдийг ийм болтол нь чилээж байгаадаа иргэний бүртгэлийнхэн ч тоосон шинжгүй, ингэж л байдаг юм гэсэн шиг хээв нэг суух.

Нэрээ хэлэхийг хүсээгүй залуу энэ жил 25 нас хүрсэн учраас иргэний үнэмлэхийнхээ хугацааг сунгуулахаар энд ирснээ хэллээ. Төрсний гэрчилгээ, иргэний үнэмлэхээ аваад очтол Сүхбаатар дүүргийн иргэний бүртгэл мэдээллийнхэн заавал төрсний гэрчилгээний лавлагаа авчрахыг даалгасан аж. Төрсний гэрчилгээ нь байсаар байхад лавлагаа шаардах ямар хэрэг байна? Уг нь Монгол Улсын бүх иргэний мэдээлэл цахимжсан гээд байхад, компьютерээр нэг шалгаад болчих асуудал биш гэж үү. Гэвч, цахим үйлчилгээнээс илүү цаас харж ажлаа хийдэг ард түмэн гэдгээ УБЕГ-т очсон хүн болгон мэдэж авдаг байх.

Иргэний үнэмлэх дээр нь оршин суугаа газрынх нь хаяг байсаар байхад оршин суугаа газрын тодорхойлолт авчир гэсэн тушаал өгдөг гэнэ. Энэ мэтчилэн дахин, дахин иргэдэд ч, төрийн албанд ч чирэгдэл үүсгэж, олон бичиг баримт нэхэх нь Иргэний бүртгэл мэдээллийн төвд ажиллагсдын хувьд түгээмэл үзэгдэл гэж хэлж болно. Магадгүй нэг хүнээс 1000-2000 төгрөгийн төлбөр авдаг болохоор энэ нь тэдний орлого олох бизнесийн нэг арга ч байж болохыг үгүйсгэхгүй. Учир нь, тэнд үйлчлүүлж байгаа иргэд ийнхүү хардаж байгаагаа хуваалцсан юм.

Шинээр иргэний үнэмлэх авах, хаяж гээгээд дахин авахад, сунгалт хийлгэхэд, овог нэр солиулах гээд лавлагаа авалгүйгээр бүтдэг бичиг баримт гэж үгүй бололтой. Эндээс эхлээд л иргэд хүнд суртлыг хангалттай мэдэрч, амсана даа.  Тус төвийнхөн иргэдийг чирэгдүүлдэг, хүнд сурталтай, авлига авдаг гэж шүүмжлүүлээд л байдаг, үйлчилгээ, хандлага, харилцааны соёл нь нөгөө л бахь байдгаараа. Энэ байгууллагаас үйлчилгээ аваад гарсан иргэд ихэнх нь ууртай, бухимдалтай гарах. Уг нь УБЕГ-аар үйлчлүүлсэн хүн болгон инээхээ байг гэхэд сэтгэл дүүрэн гардаг болоосой. Дэлхий ертөнц улам цахимжсаар байхад манай төрийн алба нөгөө л цаастайгаа зууралдаж, иргэдээ залхаасаар. “Эднийх үйлчилдэг бус чирэгдүүлдэг байгууллага юм” гэсэн иргэдийн үгийг ч энд дайя.

Э.БУРАМ

 

"Болор дуран"-аар шалгав.
Энэ мэдээнд өгөх таны сэтгэгдэл?
9
БурууБуруу
1
ЗөвЗөв
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-11-13 66.181.165.205

Энэ мэдээллийг уншихад ор үндэсгүй л харагдаад байхын харин ч амар болсон байна лээ шдээ. Нэр томъёогоо ч мэдэхгүй энэ хүн зохиол бичсэн нь харагдаад байна. Дугаар авч үйлчлүүлэх нь аль хэдийн хэрэглээнд нэвтэрчихсэн. бас хүмүүс ажлыг өглөө эрт амжуулдаггүй яг ижил цагт бөөнөөрөө ирж өөртөө дараалал үүсгэчихээд бухимддаг энэ хүн 12 цагт юу бодож очсийн цайны цаг өөрөө энгийн нэг ойлголтгүй байж хүний нэр барьж бичхээ болимоор юм даа цахим орчин хөгжсөн байхад энэ хүн түүнийг ашиглаж мэдэхгүй бай

Avatar

Зочин 2018-11-13 66.181.182.160

Саяхан гадаад паспорт шинээр Дүнжингаравт солиулсан, ямар ч чирэгдал гаргаагүй. Сэтгүүлч нэртэй мангар юмнууд бичих юмаа олохгүй нь хөөрхий

Avatar

Зочин 2018-11-13 202.72.245.198

ТЭД ХҮНД СУРТАЛ ҮҮСГЭЖ БАЙЖ Л ӨӨРТӨӨ АШИГ ГАРГАХААС ӨӨР МЭХ БАЙХГҮЙ Ш ДЭЭ

Avatar

Irgen 2018-11-13 183.177.106.67

Иргэд хэрэлдэх чинь өөрсдийнх бүдүүлэгийнх

Avatar

Зочин 2018-11-13 66.181.165.212

iim hereggui medeelel bichej yadag bn. Medeelel bichehdee baiguullagiin ner uil ajillagaag sudalj bj bichmeer yum

Avatar

Зочин 2018-11-13 202.9.41.89

http://StartWeeklyJob.com/?userid=94734 Өдөрт 300$ олох боломжтой

Avatar

Зочин 2018-11-13 202.131.225.150

1. Технологи нэвтрүүлж байгаа нэрээр маш их мөнгө иддэг. Хийсэн ажил нь мэдрэгддэгүй.\n2. Хүнийхээ, иргэнийхээ төлөө ажилдаггүй. Үйлчилгээний байгууллага гэдгээ ойлгодоггүй. Засаг солигдсоны дараа ажилчид нь чадваргүй болсон. Одоо суралцаж байгаа. 20 онд дахиад солигдоно.\nИйм л байгууллага байна даа.

Avatar

Зочин 2018-11-13 66.181.165.212

Энэ байгууллага ОӨУБГ байхаа болиод удаж байгаан биш үү. Эсвэл энэ хуучин мэдээллээ хуулаад тавьсан юм уу. Мэдээлэл хийхдээ жоохон үндэслэлтэй хиймээр юм аа. Харин ч нэг үеээ бодвол дэвшил их гарсан байна лээ Би ч бас саяхан үйлчлүүлсэн

Avatar

Зочин 2018-11-13 203.169.49.96

Наадах чинь хэдэн жилийн өмнөх мэдээ вэ? Одоо энэ лавлагааг цахимаар авдаг болсон гээ биз дээ.

Avatar

бат 2018-11-13 103.229.122.59

тэнэгууд ээ паспортын хуудсаа нэмж болохгуй бна уу, ногоон, дипломат паспорт нь 48 хуудастай, ард иргэдийн ердийн паспорт нь 32 хуудастай байгаа нь иргэд ээ ялгаварладаг ийм УЛС дэлхийд ганцхан манайх, тэгээд 10 жилд наад хуудас чинь хурэлцэхгуй бна.,

Avatar

зочин 2018-11-13 66.181.165.212

Харин ч гадаад паспорт зуун айлдаа шавуулахаа болиод дээрдсэн санагдсан ш дээ

Avatar

Зочин 2018-11-13 66.181.164.207

Энэ байгууллагын үйлчилгээ нь илүү хялбар болсон байна лээ. Би саяхан онлайнаар лавлагаагаа авсан ш дээ сайтаар нь ороод

Avatar

Зочин 2018-11-13 103.57.95.70

Хүнд сурталтай газар шүү.

Avatar

зочин 2018-11-13 49.0.218.31

Үнэхээр хамгийн хэцүү газар үйлчилгээ хүнд суртал автагдсан газар шүү

Avatar

зочин 2018-11-13 66.181.160.77

Төлдөгөө төлөөд дарга болсон улсуудад Ард түмэн яаж зовох нь падлыгүй л дээ .

Avatar

арын хаалганы хүмүүс 2018-11-13 124.158.112.3

Арын хаалганы чадваргүй албан хаагчид ихэнхийг бүрдүүлж байгаадаа хүнд суртал гарч байгаа юм даа. Ажилаа мэдэхгүй болохоор иргэдийг чирэгдүүлж байгаагаа ойлгохгүй

Avatar

зочин 2018-11-13 66.181.182.38

Энэ Улсын бүргэлийн газар гэж нар өөд хардаггүй газар байнаа.\nЯагаад ч хүнд суртлаасаа салж чаддаггүй. Тэр машинаас авдаг лавлагаа нь \nтэр бүр гарч ирдэггүй гэнэ. Зөвхөн сүүлийн жилүүдийн лавлагаа гардаг гэнэ.\nТэгээд цахим үйлчилгээ гэж пүн пан худлаа ярина.

Avatar

иргэн 2018-11-13 202.179.26.54

Ардчилсан нам хэдийгээр муу нэртэй ч тэдний засаг барьсан жилүүдэд төрийн үйлчилгээ ямар ч байсан хүний төлөө гэсэн бага ч гэсэн сэтгэл хөндлагатай байдаг, хүнд суртал нь илт багасдаг болохыг олон жилийн практикаас харлаа!!! Гэтэл МАХН буюу МАН гарч ирэхээр л төрийн үйлчилгээ мэдэгдэхүйц хүндрээд явчихдаг ямар учиртай юм бэ???

Avatar

Ахмад настан 2018-11-13 202.179.26.54

Том төвүүдэд "Төрийн үйлчилгээний нэгдсэн төв"-ийг Бат-Үүл даргын үед бий болгосон, үйлчилгээ нь ч хөнгөн шуурхай болсон байв. Гэтэл өнгөрсөн жил автомашины татвар төлөх гээд Дүнжингарав дээр очсон чинь ажилтнууд нь дандаа шинэ хүмүүс болчихож, тэхдээ хүнд сурталтай, дуугарч ядсан яравтар пацаанууд байх юм!!! Намайг настай хүн гэж тоож байгаа ч шинжгүй, "тэг, ингэ" гэж зандарч тушаасан өнгө аястай! Урьд жилийн (2016) хавар яг ийм ажлаар очиход огт өөр байсан шдээ???

NewsMN Гар утасны хувилбар Татах
NEWS.mn

Мэдээллийн эх сурвалж