2008 оноос хойш жил бүр уламжлал болон зохиогдож буй мэргэжлийн кикбоксчдын М-1 Гран-при халз тулаан энэ сарын 24-нд Мишээл экспо төвд болох гэж байна. Халз тулаан мэргэжлийн кикбоксын К-1-ийн дүрмээр гурван минутаар гурван үе үргэлжилж, ялагчаа тодруулах бөгөөд 54, 60, 64, 67 болон 71 кг-ын жингийн ангилалд чансаагаараа тэргүүлж буй шилдэг дөрвөн тамирчин рингэнд тулалдах ажээ. Түрүүлсэн кикбоксчин М-1 Гран-при тэмцээний аваргын цомоос гадна улсын мэргэжлийн кикбоксын аварга цол хүртэх юм.

П.Ууганаа