Испанийн Ла Лигийн "Барселона" клубын Аргентин хагас хамгаалагч Хавьер Машерано дэлхийн шилдэг хөлбөмбөгч Кристиану Роналдуг өмөөрсөн байна. Роналдугийн хувьд сүүлийн үед нэлээд барцадтай байгаа гэж хэлж болно. Учир нь Ла Лигийн 19 дүгээр тойрогт "Реал Мадрид" клуб "Кордабо" клубын талбайд зочлон тоглосон тоглолтод Роналду улаан хуудас авч талбайг чөлөөлсөнөөр хоёр тоглолтод оролцохгүй байх торгууль хүлээсэн бөгөөд 22 дугаар тойрогт "Атлетико Мадрид"-тай хийх тоглолтод торгуулиа дуусган талбайд гарсан хэдийн ч баг нь 4-0 харьцаатай өрсөлдөгчдөө бутниргүүлсэн билээ.

Харин уг тоглолтын дараагаар тэрбээр өөрийн 30 насны төрсөн өдрийг багийнхантайгаа хамт нөхөн тэмдэглэж, караокед дуулж байгаа бичлэг, зураг зэрэг нь олны хүртээл болсоноор хүмүүсээс янз бүрийн шүүмжлэл сонссон юм.

Энэ талаар Машерано хэлэхдээ "Хүн бүр өөрийнхөө хүссэнээр амьдрах хэрэгтэй. Би хэн нэгэнд яах ёстойг нь заадаг хүн биш. Бид мэргэжлийн тамирчид хэдий ч өөрийн гэсэн хувийн амьдралтай эгэл жирийн хүмүүс. Яах, ийхээ бид өөрсдөө шийддэг. Бидэнд ч гэсэн хувийн орон зай, хувийн амьдрал гэж байх ёстой. Харамсалтай нь хүмүүс үүнийг ойлгодоггүй" гэсэн байна.

Эх сурвалж: www.mminfo.mn