Хөх тэнгэрийн дор
босоо заяанд төрсөн нэгэн ч

Хөлийн чинь улыг
зөөлхнөөр үнсэе бүсгүй минь

Хүний амьдралын
салаа замын алийг нь ч сонголгүй

Хүрээд ирээрэй
намайг олоод бүсгүй минь

Хөөрхөн царайнд
чинь би хууртсандаа

Хөлийн чинь
өлмийд сөхрөөгүй юм

Хүний энэ орчлонд
чамайг л гэх хайр минь

Хүнийх болгохгүй
гэсэндээ мөчөөрхсөн нь тэр юм аа

Олох хүртэл чинь
би зүрхний түлхүүрээ

Орхиж л байя
хэний ч мэдэхгүй газарт

Одоо л ирэхгүй
бол явлаа гэж яаруулахгүй

Онгод минь буцтал
чамайг хүлээе танхилхан минь

Нууцхан инээдэнд
чинь гуниг нуугддаг байсан

Нулимстай дэр
чинь өглөө нь шаралсан байдаг.

Үргэлжлэл