Блэйк Гриффин тохойндоо мэс ажилбар хийлгэж, тодорхойгүй хугацаанд талбайд гарахааргүй боллоо. Клипперс багийн зүгээс дөнгөж сая мэдэгдэл хийж, түүний гэмтлийг staph infection буюу тохойндоо ямар нэгэн төрлийн халдвар авсан учраас мэс засал хийлгэх ёстой гэлээ. Улмаар зарим эх сурвалжуудын мэдээлж байгаагаар Гриффин дор хаяж 4-6 долоо хоног талбайд гарахгүй гэнэ.

Мөн "Бүх оддын тоглолт" -д Өрнөдийн гарааны 5 тоглогчийн нэгээр сонгогдсон түүний оронд, Портланд Трэйл Блэзардс багийн холбогч Дамиан Лиллардыг Коммиссар Адам Силвэр нэрлэлээ. Өнгөрсөн жил оддын хэмжээнд ирсэн гэдгээ баталсан Димиан Лиллардын хувьд ийнхүү багийн анд Ламаркус Алдрижийн хамт "All Star-2015"-т оролцохоор боллоо. Энэ нь Портланд хотынхны хувьд багынх нь хоёр тоглогч Бүх одод нэрлэгдсэн нь хоёр дахь тохиолдол болоод байна. 1977-1978 оны улиралд тус багаас Билл Валтон, Марисе Лукас нар "Бүх Оддын тоглолт"-д сонгогдож байсан юм.

 Б.АЛТАНГЭРЭЛ