Валентины баяраар хайртыгаа яаж баярлуулахаа сонгож ядан байгаа залуустаа дуулгахад, нандин хайрын бэлэгдэл болсон энэ өдрийн хамгийн содон дурсамж нь “Зүгээрээ хайр аа” тоглолт байх нь ээ.

“UB” паласийн концертын их танхимд гэгээн Валентины өдөр “Хурд”, “Fire” хамтлаг, дуучин П.Баярцэнгэл, Б.Баярцэцэг, Б.Маралжингоо “Харанга”-ын Чука  гээд рок попын бүхий л одууд нэгдсэн тоглолт хийж, хайрын хамгийн шилдэг дуугаа танд зориулж өнөө орой дуулах юм.       

“Зүгээрээ хайр аа” тоглолт Валентины баярын хамгийн том тоглолт бөгөөд урьд өмнө нь валентины баяраар ийнхүү рок, попын одод анх удаа нэгдэж тоглож байгаагаараа онцлог гэнэ. Мөн “Хурд”-ын гитарчин Д.Отгонбаярын хувьд ч Монгол Улсын гавъяат жүжигчин цол авсанаасаа хойш оролцож байгаа анхны том тоглолт. Тэгэхээр энэ үдшийн хамгийн онцлох эрхмийн нэг нь тэр гарцаагүй байх бололтой. Тэрээр үзэгчиддээ өөрийн гэсэн сюрпризийг бэлдээд байгаа сурагтай. Тасалбарын үнийн хувьд 14 мянга 900, 19 мянга 900 төгрөгийн хоёр төрлийн үнэтэй юм байна. 

Дашрамд дуулгахад, та “Зүгээрээ хайр аа” тоглолтын тасалбараа 1900-1905-аар үнэгүй хүргүүлэх боломжтой юм байна.

Л.ХАЛИУ